انا نزلت امبارح وسط البلد وهحكيلكوا المشوار خطوه خطوه
الاول روحت على الغوريه
اولا المفروشات بصراحه هناك فيه كل حاجه الملايات بكل خامتها واسعارها
مفارش العروسه والالحفه الفايبر وكله انا شوفت انها احلى من سوق غزه فى الحاجات دى
كنت بدور على لحاف فوربد بالمناسبه هو مش موجود غير فى الغوريه فعلا اشكاله حلوه زى النت واللحاف سعره 360
لقيت بقى يابنات الالحفه السورى بنفس السعر تقريبا بس شكلها افخم كده وبقيت محتاره لان ماما قالتلى السورى باين افخم من فوربد بس فوربد شكله مودرن عن التانى المهم الاتنين حلوين وياريت البنات اللى جابت حديثا تقولى جابت نوع ايه
نيجى بقى للانجيرى والكلام ده مفيش اى ميزه هناك نهائى اللانجيرى الشعبى ده موجود زيه زى اللى فى اى حته
واللانجيرى اللى بينزل فى الكتالوج اللى هو المتوسط ده اسعار بره احلى يعنى احنا هنا عندنا محل اسعاره ارخص منه فى اللانجيرى بتاع الكتالوج
يعنى مفيش اى اختلاف
بعد كده رجعت على درب سعاده الحاجات طبعا مش هحكيلكوا والاسعار ماتختلفش كتير عن حمام التلات ميزتهم ان كلمتهم واحده وماتغلبيش نفسك فى الفصال ووجع الدماغ
بعد كده بقى حمام التلات وهنا كانت مأساتى كنت شايفه طقم لومينارك 19 قطعه ب200 من شهر هناك نزلت النهارده لقيته مش موجوده ونازل بداله الصينى التقليد اعوذ بالله وبنفس السعر ونزلوا اشكال جديده لومينارك اقل حاجه الطقم زايد 150 ج المهم جبت طقم حلو اوى هوريهولكوا دلوقتى بس اغلى من التانى 140 مع انه نفس الشركه ونفس العدد
نصايحى بقى لكل فتوكه نازله تشترى وحطيها حلقه فى ودنك ولو ماعملتيهاش وركبتى دماغك هتندمىىىىىىىىى:
1-حذارى تشترى اكتر من حاجه من نفس المحل وانا قولت وبكرر حذارى والله هتتخمى خمه ملهاش حل عن تجربه وتجارب ناس تانيه والله واحد امبارح قايلالى عشان جبنا كذا حاجه من نفس المحل خرجنا بره لقينا فى حاجات واخدينها بضعف سعرها واقسمتلى
2-اوعى وانتى بتفاصلى تقولى لصاحب المحل دانا شوفتها بره بكذا لانك لو قولتيله سعر بره الحقيقى مش هيردى ينزلك قرش عنه ولو قولتيله سعر اقل مش هيصدقك وهيعرف انك هبله لان كلهم عارفين اسعار بعض انتى اعرفى السعر فى كذا مكان وبناء على كده فاصلى
3-اقسمى ضهر السعر يعنى لو قالك 400 قوليله 200 والله العظيم امبارح قاللى على الطقم 750 بسأل عادى يعنى جيت ماشيه قاللى لو عايزاه 550 وطبعا دى مش كلمه اخيره عارف انى هفاصل فيها برضو فلكو ان تتخيلوا السرقه واللى تقدرى تجيبيه من درب سعاده افضل برضو واضمن
4-لو لقيتى صاحب المحل متمسك بالسعر سيبيه وامشى وهو هيندهلك تانى ولو ماندهش يبقى ده السعر النهائى فعلا وروحى مكان تانى وفاصلى واديكى هتبقى عرفتى السعر الحقيقى
لو افتركت حاجه تانى هرجع اكتبها
واخيرا هنزلكوا اللى اشتريته
انا بقى اشتريت اخيراااااااااا طقم العشا اللى غلبتكوا بيه وفى الاخر جبت واحد تالت خالص لان اللى كان عاجبنى اختفى ونزل بداله حاجات تانى بصراحه اشيك
وادى الصور
ده الطبق الكبير واحد بس
دى الاطباق الغويطه منها 6 تلاته ابيض وتلاته اسود
ودى الاطباق المسلطحه الصغيره اللى بيقولوا عليها اطباق الجاتوه 3 و3 برضو
ودى الاطباق المسلطحه الكبيره وعلى فكره هيا كبيره فعلا برض برضو 6 3ابيض و3اسود
ودى صوره توضيحيه من على الكرتونه
على فكره يا بنات هو بيتباع ابيض بس او اسود بس لكن انا طلبت منه انا يخلطه واخدته بسعره بدون فصال عشان مفيش اطقم اللونين وبيعملوا كده مخصوص فقولت مش مشكله مش هيفرق كتير
انا جبته ب340 كنت هنسى اقول
واى سؤال من عنيا
وحذاااااااااااااارى التقييم يتنسى واللى هتخرج من غير تقييم هقفشها
سمسمة زيزو 13 سمسمة زيزو 13 831116_2.gif سوبر فتكات Fatakat 831116 شبرا الخيمة – مصر
سبحان الله و بحمده