السلام عليكم
انا صحبتى وقعه فى مشكله وعايزة الحل فى اسرع وقت
لو صحبتى دى محتاجه دكتور نفسانى ياريت تقولولى
****************************************
صحبتى متجوزة وعن قصه حب رائعه
كان جوزها ايام الخطوبه كل يوم يشغلها بيه كل يوم يروح ليها الشغل الصبح وينتظرها لما تخرج ويتغدو سوا ويجلها ياخدها من الشغل يوصلها للبيت
وكل يوم لحد ما اتعلقت بيه جدااااااااااا
وحبته وهوة كمان
انسان محترم بمعنى كلمه محترم
واتجوزته ووقفت جمبه وساعدته كتير لحد ما وقفو على رجليهم واشتغلت بعد الزواج وكانت شايله حمل كبير اوى معاه
لحد ما احصلها حمل ولظروف الحمل سابت شغلها وبعدين رجعت تانى عشان تعمل مصاريف الولاده لان ظروف جوزها كانت صعبه جداااا اول الزواج من ديون عفش وكدا
وانجبت طفل وانشغلت بيه وسابت شغلها عشان تتفرغ ليه
المشكله مش فى كل الكلام دا المشكله بقى ان لما انجبت جوزها فتح غرفه الاطفال وساب غرفت الزوجه وراح ينام فيها سئلته قال ليها عشان تعرفى تاخدى راحتك مع البيبى وكدا وانا مقصدش حاجه
البيبى كبر لحد 6 سنوات وبقى طفل كبير
وهوة لسه بينام لوحدا فى غرفت الاطفال وهى بتنام وحدها مع ابنها
فضل الوضع دا 6 سنوات
طبعا العلاقه الزوجيه قلت جداااا من البعد دا لان كل واحد فى وادى
هى حاولت كتير تقوله قرب منى واهتم بيه
الموضوع سحب معاه لااهمال كمان ليها
يخلص شغله ويرجع ياكل وينزل مع صحابه على القهوة لحد ما يطلع الصبح وهى تفضل تنتظر رجوعه وتتصل بيه كتيييييييير الموضوع مكنش كدا فى الاول كان بيتاخر لحد الساعه 3 وبعدين بقى للفجر وبعدين الموضوع امتد لحد الصبح 7 او 8
يكون النهار طلع وهوة يرجع ينام ويصحى يفطر متاخر وينزل ويرجع ياكل وينزل لصحابه وكل يوم من دا
هى حست بالواحده
وحست انه مش بيحبها
وحست ان عندها فراغ عاطفى
كلمته كتيييييييييييييييييييير انه يغير ويهتم
وهوة ولا هنا
كلمت حد من عنده فضلو يضحكو عليها ويقولو طيب هى عيزاك تنام جمبها ويضحكو ويتريقو عليها
حست ان مفيش فايده
قالت اغير من نفسى والبس واتزين يمكن يحن ويحس بيه
وفعلا عملت كدا ولا اثر فيه التجديد
واشاء القدر ان يحصل حمل تانى وواعدها انه بعد الخلفه التانيه هيرجع من الشغل ومش هينزل
وبعد الولاده اكتشفت انه كان كداب كل كلامه كدب
ورجع تانى للسهر على الكافيه والقهوة مع صحابه
يخش على النت كل كام يوم ويكلم صحابه
هى تيجى تقعد جمبه لما بيكون موجود يجيب كورة هى مش بتحب الكورة وبتقوم
لحد ما عملت اكونت هنا على فتكات عشان تضيع وقت وعملت اكونت على الفيس وضافت صحبها الجيران
ومن صحبها الجيران اتعرفت على شاب على الفيس
وفضل يكلمها بس كلام محترم وكلام كله عن السياسه او مواضيع عامه وكل يوم تخش تتكلم معاه وهوة كمان مع العلم انه مش متجوز
لحد ما الموضوع دخل فى اعجاب وحسه باهتمام منه ليها وسؤاله عنها وخوفه عليه وكانت فرحانه اوى بكدا
وهى كمان فجائت انها مهتمه بيه وبتسئل عليه وبتخش الفيس عشانه
بقى اقرب حد ليها لحد ما هوة صارحها انه بيحبها فعلا
وهى كانت متردده بالعلاقه دى بس مقدرتش تمنع نفسها انها تكلمه كل يوم واتعلقت بيه
لدرجه ان لو النت فاصل عندها بتزعل جدااااا وبتحس ان فى حاجه نقصاها وهوة عوضها النقصان دا
سئلته ايه اخرت العلاقه دى غير الفشل لانها متجوزه وهوة عارف
قلها مفيش اخر احنا هنفضل نحب بعض بس انا هشوف حياتى واكيد هتجوز ومش هفضل كدا طول العمر وهتفضلى معايه وانا متزوج
ومرت الايام واليالى وهما كل يوم يتكلمو ويتعرفو على بععض اكتر واكتر لحد ما جه فى يوم قلها على خبر خطوبته
خطب ومكنش عايزها تعرف عشان هى متزعلش وكان بيكلمها بس الكلام مش زى الاول قل عشان طبعا بدء ينشغل بخطبته الجديده
بس لما هى بترن مش بيطنشها ابدا بيسيب الفون وبيكلم صدقته المتزوجه اللى هى صحبتى
ومش محسسها انها حاجه تانيه فى حياته
وفضل يحكلها ادق تفاصيل حياتهم وعن خطبته
هى ردت بالامر الواقع بس كانت مصدومه فى الاول
حوالت تبعد عنه وتقطع كل علاقتها بيه لانه خطب ولان هى حياتها بتدمر
ومش عايزة تحبه اكتر من كدا وتتعلق بيه اكتر من كدا
دخلت فى يوم وسابت ليه رساله انها هتبعد عنه وحذفت الصداقه ومسحت رقمه من عندها
دخل كلمها ليه بتعملى كدا انا بحبك ومقدرش استغنى عنك ولو لثانيه ومحتاجك جمبى فعلا
مع العلم هوة مش فى مصر هوة مسافر بره مصر وكان نازل قريب عشان يشوفها
بس هى كانت متردده
وحاولت تبعد عنه وتنساه وتبعد عنه
وتهتم بجوزها وكلمت جوزها كلام كتير انه يهتم بيها ويشغلها ويشغل وقتها وان هى محتاجها لان هوة ولا هوة هنا كلمت صحبتها انها تكلمه وحصل فعلا صحبتها كلمته وانا كمان كلمت جوزها كل كلامه سلبى جداااا
عاطى اهتمامه كله لصحابه وفى لعب على القهوة
وطبعا اللى على الفيس نازل ضغط عليها وبعتلها طلب صداقه وكلام كتير رسايل اكتر عشان ترد عليه وتكلمه
لدرجه انه قال ليها اسيب خطبتى بس متزعليش وانا مش محسسك انى خاطب وبكلمك ومش بكلمها بقالى فترة
هى حسه انها بتدمر ونفسيتها تعبانه لدرجه انها قلتلى خشى على فتكات ولو انا محتاجه دكتور نفسانى هروح ومش هتاخر
هى عايزة رئيكم
مع العلم صحبتى دى ست محترمه جدااااا
وعمرها ما عملت كدا ولا عدت حددوها معاه وطبعا انتم فاهمنى ولا شافو بعض من اساسه كان كله صور وبس وكلام
دلوقتى ايه الحل اللى فى وجهت نظركم
هى عايزة تبعد خالص وفعلا مسحت كل حاجه متعلقه بالشاب دا
وملحوظه سن الشاب اللى صحبتى تعرفه نفس سن صحبتى يعنى مش مراهقه من الشاب عشان محدش يقول سنه صغير وكد
وشغله مرموق وحساس اوى
وخطبته صدايقه عنده على الفيس وصحبتى بتشوف تعليقتهم مع بعض بس هوة مكنش عايز يعرفها مين خطبته فى الاصدقاء عشان هى متغرش ولما هى اثرت تعرف وضغطت عليه عرفت مين خطبته وعملت ليها بلوك لان خطبته غارت منها لما بتلقيها تعلق عنه
عشان متعملش مشاكل
ارجوكم انا عايزة الردود تكون بكل ادب واحترام لان صحبتى مش ناقصه هجوم عليها
هى غلطت ومعترفه بغلطها وعندها استعداد تعمل اى حاجه بس ترتاح وهى محتاجه ليكم جدااااا
وعايزة تسمع رئيكم
واللى هتلقى نفسها هترد رد مش لائق يبقى بلاش ترد
وشكرا ليكم
واسفه على الاطاله
هوبه حبيبى هوبه حبيبى 995515_1.gif فتكات متميزة Fatakat 995515 القاهره – مصر