السلام عليكم ورحمة الله وبركاته
حيا الله اخواتى الكريمات
زى العنوان كدا بالضبط كتير مننا جوزها والعيال يوم العدس دا بيكون بوزهم شبرين
عن نفسى مكنتش بعمله خاااااااااااااالص الا من فترة قريبه سبحان الله تكة بسيطة هقلك عليها هتخلى العدس تحفففففففة باذن الله
وبقى جوزى هو الى يطلبه ندخل فى الموضوع
هتعملى العدس عادى الى هو مثلا مقادير ربع كيلو عدس – وحوالى جزرتين- و2 حبة طماطم – و2 بصلة متوسطة او واحدة كبيرة – و1 حبة بطاطس او لا حسب ما تحبى عشان كتير مش بيحبوا البطاطس فى العدس بس انا بحطها لقيمتها الغذائية عشان تبقى شوربة العدس متكاماملة
التكة بقى فى البهارات طبعا ملح وفلفل وكمون الجديد بقى 3 حبة لورى و3 حبة حبهان دول لما بيستوا مع الخليط ويضربوا بالخلاط بيخلوا ريحة وطعم العدس جميل
وبعدها معلقتين زبدة او سمنة ونشوح فيهم حتة توم ونحط عليه العدس بعد ما نضربه بالخلاط
ملحوظة استنى لما العدس يبرد واضربيه بالخلاط عشان الخلاط ما يبوظ
ممكن تعملى معاه لو هتحبى تعملى فتة عدس صلصة بالتوم زى بتاع الفته ولو شوربة استكفى بالعدس دون الصلصة
مواضيع هذا القسم برعاية
rehant__elgana rehant__elgana فتكات هايلة Fatakat 782580 القاهرة – lمصر