انا بقى لى كتير ما عرفتكوش اخبارى عاملة ايه مع حقن الميزوثيرابى احب اعرفكم ان بعد الجلسة الثالثة خلاص ما عدتش محتاجة تانى لا انا ولا ماما بس النتيجة هايلة و الصراحة الدكتورة دى امينة وصريحة زى ما فلاور لاف قالت لنا تصوروا قالت لنا فى اخر جلسة خلاص كدة كفاية عليكوا ما انتوش محتاجين تحقنوا تانى وفعلا بعد الجلسة الاخيرة خلاص الاماكن اللى اخدنا فيها اتشدت و نزلت بس برضه احب اقوللكوا ان الاماكن عندى انا وماما مش كبيرة قوى بس انا مبسوطة جدا بالنتيجة وبانى الفلوس اللى دفعتها ما راحتش على الارض لانى كنت خايفة من موضوع الحقن دى يمكن بسبب ان سمعت ان ناس كتير اخدوها بعض العيادات وما جابتش نتيجة لكن لما شفت تجربة الاخت فلاور لاف اتشجعت وكمان شفت ستات عند الدكتورة اخدوا وجابوا نتيجة
وفيه معلومة مهمة جدا يا بنات سالت عنها الدكتورة وحبيت انقلها لكم للافادة
ليه بعض الناس بتاخد حقن ومش بيحسوا بنتيجة
اولا بيكونوا فاهمين غلط ان الحقن دى سحرية وبديلة للريجيم وده غلط هى بتساعد الريجيم وبتنزل الاماكن اللى مش بتنزل
ثانيا اهمال شرب الماء لان الدكتورة اكدت على كذا مرة اذا اهملت شرب الماء الحقن هتشتغل وتصرف ببطء
ثالثا فيه اماكن بتعطى حقن رخيصة ومغشوشة لانها غالية ففيه ناس بتستخدم انواع مضروبه وناس بيخففوها جدا بمحلول ملح
رابعا كلمة حقنة تعنى كوكتيل من المواد فى سرنجة 10 مل بتكفى مكان مساحتةه تقريبا قد كف اليد لو العشرة مللى دول اتوزعوا على مكان اكبر من كدة مش هيجيب نتيجة خصوصا لو المكان الدهون فيه كتير
خامسا استعجال النتيجة لان فيه ناس صرف الدهون عندها بياخد وقت عن ناس تانية والحقيقة دة انا شفته فعلا انا كنت بعد اسبوع احس بالنزول بس ماما كانت بتتاخر عنى بس كانت فى الاخر بتنزل
وفيه ناس قابلتهم كانوا واخدين المجموعة المكثفة اللى تقول انا بعد اسبوعين بدات اشوف نزول سريع وواحدة تقول انا ماحسيتش بالنزول الا بعد الشهرين ما خلصوا لفيت نفسى نزلت مرة واحدة
انا حبيت افيدكوا بالمعلومات المتواضعة اللى حصلت عليها زى ما استفدت لانى ما صدقت لقيت حد من الدكاترة بيجاوب على الاسئلة بتاعتى كل اللى رحتلهم قبل كدة هما كلمتين وخلاص وكمان عايزة اشكر
فلاور لافواقولها ميرسييييييييي علشان عرفتنى بالدكتورة موووووووووووووااااااااااااه
ابلوولوو ابلوولوو فتكات حبوبة Fatakat 184050 القاهرة – مصر
سبحان الله و بحمده