انا حامل فى اخر اسبوع فى السادس الحمد لله
وده تالت حمل ليا
انا بقالى فتره بحس بقفشه جامده فى جمبى اليمين من تحت خالص
زى وجع الزايده كده
مبقدرش امشى او اطلع سلم والوجع ده موجود
وبقالى اسبوع تقريبا حاسه بحاجه وجعانى من تحت
بس مش تقل لاء حاسه انى موجوعه بس قادره استحمل الوجع
بس مش قادره امش كويس ولا قادره اقف
وطبعا جالى همدااااااااااااااااان شديد فى جسمى ومش قادره اقوم
ولا اعمل شغل البيت كويس زى الاول
كنت بشيل الشقه واجيب عليها واطيها فى نص ساعه
ده غير دخول الحمام اللى كل ربع ساعه تقريبا
قولولى يا بنات اعمل ايه فى الاعراض دى هل ممكن يكون فيها حاجه خطر ولا عادى
واللى زى كده تقولى ممكن اعمل ايه غير الكشف لانى مكسله اروح اكشف دلوقتى
مستنيه على ما ادخل فالسابع كده باذن الله طبعا
يارب حد يفدنى ويرد عليا لانى تعبانه بجد ولما بتخل موضوع حد تعبان بساعده حتى لو بالدعاء
فياريت متستخصروش فيا الرد
وربنا يقومنا بالسلامه وعلى خير يااااااااااااااااارب
ام روضه ودارين ام روضه ودارين 915770_10.gif فتكات متميزة Fatakat 915770 القاهره – مصر