عملت جمبري بالكنافة بجد جميله جدا تستاهل تجربوها وعملت كاسات جمبري بالمايونيز وخضار مشكل بالمايونيز ان شاء الله تجربوهم وتعجبكوا
المقادير
كيلو جمبري
نصف كيلو كنافه شرائط
1 كوب كاتشب
2ملعقه كبيره صويا صوص
قطعه صغيره من الجنزبيل الطازج او ملعقه صغيره من الجنزبيل المطحون
ملح
فلفل
3فص توم
2معلقه هوت صوص
2ملعقه زيت سمسم او زيت دره لكن زيت السمسم له طعم مميز
الطريقه
نضع كل المكونات فى الخلاط ماعدا الجمبرى والكنافه
ثم نضع الجمبري في الخليط لمده نصف ساعه
ثم نحضر شرائط من الكنافه ونقطعها الي مستطيلات ونضع بكل شريط واحده جمبري ونلفه زي مابنلف الكرنب
ثم نبل ايدنا بقليل من الماء ونضغط جيدا
واسيبكم مع الصور
كاتشاب وصويا صوص وقطعه جنزبيل وتوم وزيت سمسم وهوت صوص وتوم وملح وفلفل
قشرت الجمبري وشيلت الخيط الاسود اللي في الضهر وسبت الديل دون تقشير
حطيت الجمبري وتركته في التتبيله نصف ساعه
علي ماالجمبري يتتبل خلطت مقدار من المايونيز وقليل من الكاتشاب وقليل من الهوت صوص ونص لمونه
وقطعت بعض الخس او الكابوتشا في كاسه ثم وضعت فوقهم قليل من خليط المايونيز
دا نبات الكبر لكن هو مش ضروري ممكن تحطي مكانه قطه صغيره من الزتون الاخضر او الخيار المخلل
وشويه جمبري
وهنا حطيت كمان شويه مايونيز فوق الجمبري ودا الشكل النهائي للكاس
ودا نوع تاني من سلطه المايونيز سلقت بسله وجزر وبطاطس وقاصوليا كله طبعا مقطع صغير وخلطتهم يالمايونيز ودا الشكل النهائي للطبف
رجعت تاني للجمبري وهنا قطعت الكنافه لقطع مستطيله
حطيت الجمبري علي الكنافه ولفيته كان بتلفي كرنب
دا شكله وبليت ايدي شويه ميه وضغط عليه عشان مش يفك في التحمير
عملت رز بالكاري معاه
وعملت صوص مكون من بصله 2طماطم 2ثوم 1فلفل اخضر و1فلفل حامي ولمون وشويه خل وملح وكمون وفرمتهم والصوص دا بيكون لذيذ مع الجمبري بالكنافه مواضيع هذا القسم برعاية
هدي هدي 1 هدي هدي 1 سوبر فتكات Fatakat 387668 القاهره – مصر