السلام عليكم يامتختخين
الدخول وانا قولت قبل كدة للمتختخين فقط
المهم الجزء الاول طبعا واكيد معظمكم عارفة وطبعا التطنيش والكسل غلب عليكم وبقيتو فى الباى باى
يعنى ياختشى منك ليها يعنى انتى كبرتى الجمجمة وطنشتى ومعملتيش اللى لازم تعملية
عايزة تخسى 20 كيلوا فى شهر ادخلى
عايزة معدتك تتقفل لوحدها بدون تدبيس معدة ادخلى
عايزة وجهك يبقى احمر وميخسش بردة ادخلى
بس يكون فى علمك بعد التطنيش بتاع الجزء الاول هاخد فقط 5او6 فتوكات كل يوم يكتبو تقاريرهم حتى لو انا مش موجودة بردة تكتبو تقاريركم تمام
ندخل بقى على المفيد وكمان فى حاجة اللى هتكون معايا ومش هتطنشنى وبجد بقى عايزين نشجع بعض
هتقسم القسم وتقول اقسم بالله هشترك معاكى وهكتب تقاريرى وهخس فى الشهر 20كيلو ياجماعة والله الرجيم دة كنت بعملة وكنت بخس علية جامد خالص اينعم هو فى حرمان شوية بس والله نتيجتة هايلة وخصوصا للمقبلات على الزواج وعايزين يخسوا
اللى هيبقى معايا فى المشاركة يقسم بالله انة هيتابع يابنات الكلام دة للمتختخين من وزن 90 للوزن 110 تمام
يافتوكة خسى وابقى موزة عشان جوزك ميبصش برة حافظى علية
دا نظام الرجيم
المشروب السحرى
بردقوش- مرمرية -سنامكى هتجيبى مثلا من كل حاجة ب3 جنية
هتغلى كوباية شاى وتحطى من كل حاجة ربه معلقة النامكة ورق يبقى 3 ورقات المرمرية زهرة يبقى زهرتين وربع معلقة بردقوش
وتشربيهم بعد كل اكلة تمام هيجيلك اسها متقلقيش دا الطبيعى
وفى بديل تانى الشاى الاخضر وكلكم عارفينة
نيجى بقى اول متقومى الصبح حاولى تشدى جسمك وتعملىتمرين الصباح اكيد كلكوا عارفينوا لمدة 10 دقائق وياسلام بقى لو عندك حزام التخسيس الحرارى بجد ومن غير متكلم كتير هتبقى موزة
بعدها تشربى كوباين مياة
الافطار بقى بعد متشربى الماء ب3 دقائق
2بيضة مسلوقة مع خيارة مع ورقتين كابوتش مع حزمة جرجير وفرعين بقدونس والاحسن تعمليهم سلطة وتحطى خل وليمون
طبعا انتى زمانك بتقولى فين الطماطم لا مانتى ليكى طماطماية واحدة فى اليوم وكام صغيرة عشان متعملكيش ماية تحت الجلد لانها بتجيب املاح
او قطعة جبن قريش ومعلقتين فول بدون اى اضافات وتحطى علية نصف ليمونة وبردة خيار وكابوتش وجرجير وبقدونس
مع العلم رجيمنا دة بدون عيش ولا ارز ولا معكرونة ولا دهون زى الزيت والسمن واجبن الكيرى والتركى والرومى
الغداء
صدر فرخة مسلوقة مخلى ويفضل يكون مشوى ومتكليش الاجنحة وجنبه شوربة خضار بالماء فقط يعنى من غير مرقة ولا شوربة
او 2سمكة مشوية كبيرة وجمبها طبق سلطة كبير يتكون من خيار وخس وجرجير وبقدونس وكترى من البقدونس عشان بيعلى الحرق وقليل من الطماطم يعنى طمطماية صغيرة وامتنعى عن البصل والجزر
او قطعة لحم بقرى كبيرة واياكى والضانى عشان الدهون اللى فيها وجمبها بردة خضار سوتية
اما لو عاملة طبيخ ولا حاجة قللى الادام شوية اواطبخى بزيت الذرة او الزيتون
اخيرا العشا يفضل تنامى خفيفة او كلى فاكهة برتقال تفاح كيوى اناناس او علبة زبادى دايت او لايت
واة من الكيوى رهيبة فى التخسيس كلى منها 2 فى العشاء فقط
معلومة البنات اللى هتشترك معايا اللى قولت عددهم يعنى 6 بنات بالكتير عشان نشجع بعض
مش معنى كدة مفيش اى بنت متدخلش لا ادخلى ولو عندك النية اشتركى ممكن العدد يوصل ل10 بنات وهنشجع بعض
ولو بتعرفى ترقصى ادخلى اوضتك واديها رقص
يالا عايزة تشجيع وانتى كمان هتشجعى لما تلاقى نفسك بتتنافسى على لقب موزة الموزز مين بقى اللى هتتلقب بكدة
يلا مستنياكم فى رعاية الله
النانو النانو 744042_2.gif فتكات رائعة Fatakat 744042 اسكندرية – مصر
سبحان الله و بحمده