السلام عليكم ازيكم يا بنات
انا سارة متجوزة من سنة ونص ولسه ربنا ما اردش اني احمل ففكرت اني اعمل جروب هنا مكون من 5 بنات يكونوا تقريبا زيي ونفسهم يخلفوا ونتعرف على بعض وتستعين بالله في الموضوع ده عن طريق 3 حاجات مهمين جدًا يمكن احنا في وسط الدكاترة والعلاج والأسباب ساعات بننساهم او على الاقل مش بنركز فيهم أوي مع انهم ان شاء الله فيهم الحل طبعا ده لاننا بنثق في ربنا وكمان لاني شخصيًا شوفت بنفسي انهم كانوا الحل عند ناس من الى حوليا بعد ما كانوا تقريبا يأسوا
أول حاجة : الإستغفار وطبعا ده نتايجه مضمونة ان شاء الله زي ما قال ربنا في الآية بسم الله الرحمن الرحيم( فقلت استغفروا ربكم إنه كان غفارًا يرسل السماء عليكم مدرارًا ويمددكم بأموال وبنين ويجعل لكم جنات ويجعل لكم انهارا) فممكن نتفق على ورد استفغار معين ونشجع بعض عليه
ثاني حاجة: الصدقة: وده على اساس اننا لو افترضنا ان فيه مشكلة طبية معينة هيه السبب فإن شاء الله بالصدقة ربنا يشفينا وده لأن الحديث الشريف بيقول (داووا مرضاكم بالصدقة) وطبعًا كل واحد على حسب قدرته إنما المهم إننا نخرج صدقة بالنية دي
ثالث حاجة الدعاء وده عامل مهم جدًا يمكن للأسف ساعات ماندعيش بالشكل المطلوب بالذات بعد الإنتظار الطويل والتعب ولحظات اليأس الى ممكن تمر علينا
وأنا فكرت اننا نتجمع على شكل جروب من خمسة عشان نشجع بعض لأننا ببساطة كلنا تقريبًا عارفين الحاجات دي وبنعملها بس الواحد لوحده مش بيكون طول الوقت متحمس ده غير إن حاجة زي الدعاء مثلًا حيكون استجابتها أقوي ان شاء الله لما ندعي لبعض بظهر الغيب فأنا نفسي اننا نتفق على الحاجات دي بتفاصيلها وندعي لبعض طول الوقت ونفضل نشجع بعض ونسأل على بعض ونتابع بعض لغاية ما إحنا الخمسة ان شاء الله نحمل … ويارب يحققلنا كل أحلامنا في الدنيا والآخرة إن شاء الله فلو حد عجبته الفكرة وحابب يكون معايا أنا منتظرة
sara 26 sara 26 فتكات نشيطة Fatakat 741344 القاهرة – مصر
سبحان الله و بحمده