السلام عليكم ورحمه الله وبركاته
ازيكم يا اجمل فتوكات قمرات بكبوظات ان شاء الله هايبقوا رشيقات وموزززززات
الواقع اللى احنا عايشينه اننا بناكل من غير مانفكر الاكل دا هايعمل فى جسمنا ايه
ووقت ما نجوع ما بنفكرش احنا هناكل اكل صحى ولا لأ
بنفكر بس اننا نملى معدتنا وخلاص
لااااااااااازم نغير الواقع
طبعا كلنا زهقنا من اللف والدوران على الريجيمات المختلفه اللى فاكرين انها
هاتساعدنا ونمشى عليها وبعدين نزهق منها ونسيبها ويرجع وزننا تانى
وعاملين زى الغريق اللى بيتعلق بقشايه
وبعد طول بحث وفحص ومحص قررت انى مش هامشى على اى ريجيم خالص
القصه كلها اننا نظبط اكلنا يعنى نقلل السكريات على اد مانقدر والنشويات
والسمن والزيت اللى هما الكارثه الكبرى
ممكن نستبدلهم بزيت الزتون بس
اما بالنسبه لمواعيد الاكل لازم تكون ثابته ونحاول نعلى الحرق فى جسمنا
وناخد سناك كل ساعتين خياره او جزره او تفاحه او موزه او برتقاله
او اى فاكهه غير الممنوع اللى احنا عارفينه
وصدقونى هاتلاقوا نفسكوا بتخسوا من غير ماتحسوا
انا عملت رجيمات كتير وخسيت ورجعت تانى دا غير الاكتئاب اللى بنحس بيه
ونفش غلنا فى العيال يا عينى طب على ايه
اعملى الرز بزيت الزتون للبيت كله هايبقى صحى للولاد ولزوجك كمان
والبانيه والفراخ والسمك واللحوم بدل ما تقليها اشويها ودا بردوا صحى للبيت كله
ودا يبقى نظام حياتنا هانخس ومش هانزهق منه ولا هايجيلنا اكتئاب ولا حاجه
ومش عايزين نستنى لحد ما نوصل لمرحله ماينفعش فيها الا العمليات بتاعه السمنه
لانها مرعبه وكلها مخاطر مهما قالوا انها بقت سهله
بردوا بنعرض نفسنا للخطر
على ايه طب ما احنا نلحق نفسنا من دلوقت احسن
زى ما قولتلكوا انا مش هاقول على ريجيم معين لاكن هى قواعد اساسيه نغير
بيها حياتنا وتوصلنا ان شاء الله للوزن المثالى
ومش عايزين نستعجل النتائج الصبر ثم الصبر اللى اتبنى فى سنين هياخد وقت
علشان نتخلص منه
1 تقليل السكريات يكفى 3 ملاعق يوميا
2 تقليل النشويات يكفى ربع رغيف يوميا
3 ممنوع السمن او الزيت الا زيت الزتون
4 الاعتماد على الفاكهه والخضار فى كل وجباتنا
5 شرب الميه الكتيييييييييييييير
6 نقلل الكميات اللى بناخدها بالتدريج
يعنى بدل مانغرف طبق كبير نخليه طبق صغير
شوفتوا الموضوع سهل ازاى يلا بقى ورونى الهمه واللى عاوزه تتابع معايا وتشاركنى
برأيها تدخل تقولى وزنها كام وطولها واسمها
ونشجع بعض وكل يوم ندخل نكتب تقريرنا لليوم كان ايه وكلنا ايه
واللى عندها فكره حلوه عن اكله صحيه مثلا تقولنا عليها ونساعد بعض
احنا ملناش الا بعض يا فتاتيك
والاشتراك مفتوح لكل القمرات مفيش عدد معين
ولو عجبكوا الموضوع قيموه يا عسلات
ولو معجبكوش كفايه عليا دعوه حلوه لزوجى وولادى
ومستنيه ردودكوا
دودو 911 دودو 911 706277_3.gif ممنوعة من المشاركة Fatakat 706277 القاهره – مصر