السلام عليكم و رحمة الله و بركاته
ازيكم يا قمرات
طبعا كلنا هنا اشتركنا فى اكتر من جروب
و اسبوع او اتنين و البنات تكسل و الجروب يفضى
و نزهق و منلقيش تشجيع و نبطل الرجيم و نتخن تانى
انا حطيت لنفسى هدف
ان شاء الله فى خلال 6 شهور هخسر الوزن الزايد
وزنى دلوقتى 86 كيلو
الحمدلله بعد ما كان 98
بس خسرتهم فى 6 شهور عشان كنت برضع
بس فطمت بنتى و نويت اخسر كل الزيادة فى وزنى قبل الصيف
اخر ديسمبر 2024 ان شاء الله اكون كسرت ال80
اخر يناير 2024 ان شاء الله اكون كسرت ال 75
اخر فبراير 2024 اكون كسرت ال70
من اول مارس لاول مايو – يعنى 3 شهور – نزول ال10 كيلو الاخيرة لحد ما اوصل لل60 باذن الله
لازم احدد هدف لانى مش هفضل طول عمرى تخينة
مش هفضل مش لاقية فى المحلات حاجة مقاسى
مش هفضل مش عارفة البس لانجيرى قصير عشان رجلى مش عاجبانى
ولا هفضل مكتئبة عشان جوزى نفسه اخس
كفاااااية اكل
انا الحمدلله الاسبوع اللى فات التزمت بالرجيم جدا و خسيت 3 كيلو
ان شاء الله هعمل رجيم يجمع كذا حاجة
اللقيمات: ناكل حاجة صغننة كل ساعتين
السعرات: مش نزود عن 800 سعر فى اليوم عشان نخس بسرعة ، الف سعر على اقصى تقدير
نقلل النشويات لاقل حاجة ممكنة
انا عن نفسى منعتها خالص
بقالى سنين باكل عيش و رز و مكرونة مش هعرف اقفل بقى 6 شهور
طبعا كل واحدة تعمل اى رجيم يناسبها لان كل واحدة جسمها مختلف عن التانية
هتكتبى:
الاسم:
الوزن:
الطول:
السن:
فى حمل او رضاعة:
هدفك اخر ديسمبر2016:
اخر يناير 2024:
اخر فبراير 2024:
اخر مايو 2024:
و كده ان شاء الله ندخل الصيف الجاى و احنا خسرنا الكابوس اللى اسمه السمنة اللى كاتم على نفسنا سنين
مش عايزين نزهق
طبيعى ان كل واحدة يجيلها يومين تكتئب و تاكل
نعوضها بقيت الاسبوع
تخرجى من الاسبوع مخسيتيش حاجة احسن ما تخرجى زايدة 2 كيلو
الاشتراك مفتوح لحد يوم الجمعة بليل ان شاء الله
مش عايزة اللى تشترك تقول هبدأ يوم السبت
و من هنا ليوم السبت تاكل 50000 سعر زيادة
و تفضل شهر بعدها تحاول تنزل الشوية اللى زودتهم قبل الرجيم
اللى هتبدأ تبدأ دلوقتييييى
جعتى كلى لقيمة
-علبة زبادى خالى الدسم
-نص كوباية لبن خالى الدسم
-نص علبة تونة مصفاة من الزيت و مغسولة بخل
-3 تمرات
-واحدة فاكهة
اى حاجة صغننننننة تسكتى بيها جوعك
مش تسيبى نفسك تجوعى اوى عشان مش تدخلى التلاجة تاكلى كل اللى فيها
و فى نفس الوقت احسبى سعراتك
اللقيمات متزيدش عن 5 لقيمات الواحدة فيها حوالى 60 سعر
يعنى 300 سعر لقيمات طول اليوم
و الوجبة الرئيسية بتاعتك هتكون فى حدود 500 سعر
(3 معالق رز او مكرونة او نص رغيف + قطعة بروتين + خضار + سلطة)
و طبعا كله من غير دهوووووووون خااااااالص
انا مش باكل الحاجة الحلوة اللى مع الوجبة بس اللى عايزة تاكلها من حقها طبعا كل واحدة حسب قدرتها
متحرميش نفسك من حاجة و كلى من اكل البيت كميات قليلة عشان متزهقيش من الرجيم
و خللى دايما هدف ال 6 شهور قدامك
كل اللى خسروا وزنهم مش احسن منك و لا عندهم ارادة و انتى لأ
و اللى فوق ال 100 تخلى هدفها الاول تكسر ال 100
لازم تخسى عشان صحتك و جوزك و قبل كل حاجة عشان نحافظ على نعمة ربنا اللى ادهالنا
بالنسبة للرياضة انا واحدة من الناس الكسلانين جدا جدا
بس ربنا كرمنى ولقيت بالصدفة الموضوع ده
الجم هيجيلك لحد البيت مع برنامج تمارين اللياقة اروع برنامج Yourself!Fitness PC
https://fatakat.univanet.com/#2119111
راااااااااائع بجد و هتعملى الرياضة من غير ما تحسى كأنك فى الجيم بالظبط
وهتعملى اللى يناسب قدرتك من غير فيديوهات يوتيوب و لا اى حاجة
البرنامج بيقيم مستواكى و يبدأ معاكى من الصفر
بجد ربنا يكرمها اللى عملت الموضوع
هوا بس بياخد وقت كتير اوى فى التحميل ، انا حملته فى 3 ايام
بس بجد يستاهل
لو منعتى الحلويات طول الاسبوع يوم الجمعة زودى وجبة الغدا فرى
بس حاولى متزوديش فيها عن 1000 سعر
عشان اللى عملناه طول الاسبوع ميضيعش
التقارير اليومية هنكتبها فى الموضوع ده
تقارير جروب ال 6 شهور
https://fatakat.univanet.com/#2285808
مستنياكم يا قمرات
اللى تشترك تقيم يا مزة انتى و هيا
fato-o-oka fato-o-oka فتكات رائعة Fatakat 211571 الجيزة – مصر