السلام عليكم ورحمة الله وبركاته
ازيكو يا أحلى فتوكات
كلنا حنخس ان شاء الله وحنبقى رشيقات وموزات
انا نويت ان شاء الله ابدأ دايت من يوم السبت 26 فبراير 2024
وحبيت اشارك فتوكاتى صحباتى معايا عشان نشجع بعض
وقلت نعمل جروب من 10 فتوكات عشان نعرف نتابع بعض
بس بجد بقى المرة دى
ونشجع بعض ومن غير كسل
وباذن الله كلنا نخس ونوصل للى احنا عاوزينه وسميت الجروب الموزات قادمات هههههههههههه
كل واحدة تحب تشترك فى الجروب
حتكتب
الأسم
الوزن
الطول
الهدف
وكل يوم حندخل نكتب اليوميات بتاعتنا
والميزان يوم الخميس ان شاء الله
والجمعة فرى ناكل اللى احنا عاوزينه
وعلى فكرة انا اختى وجوزها دكاترة تخسيس
حاخد منهم الدايت كل اسبوع واكتبه هنا
حكتب بياناتى بقى
الاسم * منة
الوزن * 105
الطول * 154 يعنى كوووووورة متحركة
الهدف * 80 كيلو كبداية وبعدين حكمل لحد 60 ان شاء الله
وبعمل كده عشان مصعبهاش على نفسى
الدايت بقى يا قمرات
نقول بسم الله
حنعمل اول 3 ايام ريجيم كيميائى
وده بينزل من 3 الى 4 كيلو عشان التشجيع
الافطار كوب زبادى مع 3 موزات
الغداء مثل الفطار
العشاء مثل الغداء
بين الوجبات 3 موزات
انا عارفة انه صعب اووووووووووى بس صدقونى اما تخسوا 3 او 4 كيلو فى 3 ايام هتحسوا بفرق جامد اوووووووووووووى
بعد ما نخلص التلات ايام دول حكتب بقيت الاسبوع حنعمل ايه
حاجات بقى حنلتزم بيها طول ايام الدايت ان شاء الله
1. ليكى 2 معلقة سكر فى اليوم بس ولو سكر دايت يبقى 4 معالق
2. نشرب ميه كتيييييييييييييير جدا على الريق وقبل الوجبات
3. حنشرب شاى أخضر وبردقوش وقرفة على جنزبيل كتييييييير بس نخلى بالنا البردقوش بيوطى الضغط اللى ضغطها واطى متشربش اكتر من مرتين
4. نلعب رياضة لمدة نص ساعة يوميا اللى يقدر يمشى يبقى حلو اوى او ايروبكس او رقص بس اهم حاجة نص ساعة
بس كده واللى تحب تزود اى معلومة يا ريت عشان نستفيد كلنا ونشجع بعض
حستناكو يا قمرات
بحبكو فى الله
monos911 monos911 images/avatars/purpleflower.jpg سوبر فتكات Fatakat 33459 الاسكندرية – مصر