ازيكم يابنانيييييييييييييت ياقمرااااااااااااااااات يااحلى فتوكااااااااات فى الدنيا
يارب كنا تكونوا قضيتوا عيد سعيد وكلتوا كحك وبسكوت وبيتيفور وشيكولاتة
براحتكم وتكونوا كمان خلاص زهيقتم وناويتوا تظبطوا اللى باظ فى العيد هااااااااا مستعدين ولا لسة
شوفوا بقى ياحلوين طبعا كتير مننا شكل جسمها مش مريحها ومسبب لها مشاكل
واحيانا اكتئاب بسبب احراجها من شكلها او من كلمة من واحدة غلسة تقولها
انتى تخينة او كلبوظة او حتى تبقى فى المكان اللى بتدرس فيه او بتشتغل بتبقى مشهورة
بكلمة بكابوظة صح ولا انا غلطانة
طبعا كل ده كوم ويوم ما نفكر نشترى هدوم ونروح محل ويعجبنا طقم وتيجى تسالى علي المقاس تلاقى واحدة رخمة طلعتلك
تقولك لالالالالالالالالالا مش موجود مقاسك هنا ومش معقولة اساسا انك تلاقى مقاسك فى اى مكان وكاننا مش لاقين حد يعقدنا ومش ناقصنا غيرها
طيب بذمتك انتى بقى مبسوطة بالكلام اللى زى الحجر اللى بيتحدف فى وشك ده وهتفضلى تحطى فى نفسك وتزودى الاكتئاب اللى عندك اساسا من شكل جسمك
طيب بلاش اللى فى محلات الملابس ولا اللى فى الشغل ولا اللى فى المدرسة خلينا فى اللى متجوزة بذمتك بتبقى حاسة بايه وانتى كل ما تشوفى قميص نوم ويعجبك ويبقى نفسك تلبسيه وهيجى مقاسك بس مش هيكون لايق عليكى وساعتها جوزك يحرجك بكلمة ويقولك انتى كلبظتى كدة ليه ولا انا هروح اشوفلى واحدة حلوة زى هيفا ولا نانسى عشان اغير الاحجام بذمتك هتحسى بايه ؟؟؟؟؟؟؟؟
حتى المخطوبة ولا اللى لسة هتتخطب دايما بتكون مكتئبةهتقولولى ليه ماهو طالما شافها على كدة وجه خطبها يبقى هى اساسا عاجباه وهى تخينة
هقولك صح عندك حق بس
تعالى بقى ياعروسة منك ليها روحى شوفيلك فستان حلو كدة عشان تلبسيه
يوم خطوبتك ولا يوم فرحك هتلاقى مقاسك
هتقولولى ماهو ممكن يتوسع هقولك وسعيه وتبقى فى اليوم اللى كل الناس بتروح فيه مخصوص عشان تشوف العروسةتبقى شبه شوال القطن واللى تقول يالهوى كل ده دراع
ولا ايه ده الفستان هيتفرتك عليها دى مش عارفة تتنفس من كتر ما هو ضيق عليها
بذمتك مش كل ماتروحى فرح والعروسة تبقى تخينة بتسمعى كل التعليقات دى
طيب انتى بقى مستنية ايه مستنية لما تتقال فى وشك ولا ايه ؟؟؟؟؟؟؟؟
على فكرة انا يوم خطوبتى كان وزنى 106 ك وطولى 160 سم بلاش اوصف لكم انا بقى الشكل كفاية انتوا تتخيلوا والله انا من كتر مانا كنت مكسوفة فى اليوم ده من شكلى مافيش حد شاف الصور وكل ماحد يسالنى اقولهم العريس خدهم اظن متخيلين الاحساس بانك مش عارفة تخلى حد يشوف صورتك وانتى عروسة عشان التريقة
قررت بعدها على طول انى لازم اخس ولازم اعمل رجيم طبعا فى البيت مفيش مشاركة مالهمش دعوة الاكل الموجود كلى منه ولا احنا مش هناكل على مزاجك كل يوم ويوم بعد يوم والعزيمة تقل ويجى خطيبى ويقولى انتى كدة حلوة وعجبانى خليكى
"اه خلينى وبعد كدة تعقد اهلى من كتر تعليقاتك بعد الجواز "
وبطلت الدايت وبعد ماكنت خسيتلى كام كيلو رجعوا اكتر من الاول
دلوقتى انا مكتوب كتابى وفى انتظار تحديد معاد فرحى واشتريت فستان الفرح كمان ولما اشتريته والله السوستة ماقفلت قالولى نعملك توسيعة قولت لا هو ده هدفى انا هاخده كدة وهخس لحد مايتقفل عليا
انتوا عارفين انا بقيت كام دلوقتى بقيت 76 ك
طيب احنا عاوزين اخر للكلام والرغى ده كله وحل
انا مش هقولكم تعالوا فى نظام يخسس 10 ك فى يومين ولا فى مشروب ينزل 20 ك من غير دايت لالالالا انا هقولكم انا نزلت ال 30 ك دول ازاى وف اد ايه ؟؟؟؟
نزلتهم فى سنة ونصف كتير صح ؟؟؟؟؟ مش مهم المهم ازاى
ب 3 حاجات والله هما دول اللى خلونى قدرت وعملت
1 – الارادة والصبر
صبرت كتير وفضلت ماشية وملتزمة مع جروب هنا وخسيت قوى معاهم ولا روحت لدكتور ولا غيره مانا روحت ومعرفتش اكمل برضه لما التزمت لاقيت تشجيع جامد وحسيت ان الناس كلها بتعمل رجيم زيي
عشان كدة جاتلى الارادة واتشجعت وقدرت اكمل
2 – الدعـــــــــــــــاء
ماكنتش ببطل دعاء فى كل اذان وفى كل صلاة كل ماكنت اركع لربنا ابكيله واقوله انى عاوزة اخس وان نفسى اكون راضية عن شكلى ونفسى يارب تشفينى من مرضى اه ماهى السمنة والتخن ده مرض
3 – الصدقــــــــــــــــة
دى اهم نقطة بقى الصدقة كنت كل اسبوع انزل اروح الصيدلية عشان اتوزن وكل ماكنت الاقى كيلو نزل اتصدق عليه حتى لو لاقيت اللى خسيته جرامات برضه كنت بتصدق حاجة كدة زى الندر ماكنتش بنساه ولا اقطعه قبل ماارجع البيت اكون تصدقت على اللى خسرته من وزنى وكسبته فى صحتى جربوها وشوفوا نتيجتها بنفسكم
كل اللى انا عاوزاه منكم انكم تصبروا
طبعا يابنات كل اللت والهرس اللى فوق ده اللى بيتقال فى كل جزء انما الجزء ده بقى هيكون فى تغيير والسبب فى التغيير هو بصراحة ان الجروب فى شهر رمضان نام وجه العيد وكمل عليكم مش عارفة ليه
عاوزين كدة بقى يابنات نستعيذ من الشيطان الرجيم ونقول يارب اقف جنبنا وعينا واعطينا الصبر والارادة الحديدية
وياريت لكل واحدة تقول اقتراح ممكن نطور بيه الجروب عشان يرجع
يتنشط من تانى زى الاول واحسن
منتظرة الاراء والاقتراحات يابنات
وطبعا الاشتراك مفتوح لكل الاعضاء الجدد ويشرفونا المهم انهم يكونوا عارفين انهم هيلتزموا فعلا بلاش اللى بتكتب وتقول الحقونى عاوزة اشترك ولما ارد عليها يبقى ولا حياة لمن تنادى وماتعبرناش تانى طيب ما كان من الاول بلاش تتعبى نفسك وتتعبينا معاكى
كالعادة بقى نقول شروط الجروب
1 – الارادة طبعا قبل اى حاجة عشان نقدر نكمل مع بعض كدة على نور
2 – الالتزام ثم الالتزام ثم الالتزام طيب هنلتزم بايه وازاى
اقولكم
3 – اننا ندخل هنا كل يوم نكتب تقارير يومية عن اللى اكلناه وشربناه وعكناه كمان
وطبعا كل واحدة هتكتب تقريرها هتتقيم من 5 فى اليوم ومن 30 فى الاسبوع لان الفرى هيكون مرة فى الاسبوع ان شاء الله
وطبعا هيكون فى يوم فرى فاصل كل اسبوع ياقمرات ويبقى الافضل يوم ثابت للكل وان شاء الله يبقى الجمعة من كل اسبوع
وطبعا احنا هنبدا من يوم السبت ان شاء الله وعاوزين التزام من نار وطبعا الوزن هيكون قبل الفرىيعنى يوم الخميس بالليل او الجمعة الصبح عشان نعرف خسينا قد ايه قبل العك
واللى هتكون درجاتها اعلى فى اخر الاسبوع هتكون هى مزة الجروب وهيكون ليها شهادة تقدير على مجهودها طول الاسبوع وتشجيع لها
واللى هتكون اقل درجة هتكون هى كلبوطة الاسبوع والكل هينادى عليها باللقب ده غير الشهادة اللى هتتحط فى توقيعها
واكتر واحدة هتكون خست هتبقى هى فراشة الاسبوع وبرضه هيكون لها شهادة على رشاقتها
وانا بشكر العضوة الاخت الغالية " رانيا رجب " على مجهودها معانا
فى عمل الشهادات الجميلة بتاعة كل اسبوع وكمان على المقدمة والنهاية والفواصل اللى مزينة الموضوع فى كل مرة
لازم تعرفوا ان مجرد دخول كل واحدة هنا كل يوم وتقرا يوميات كل واحدة فينا
ده فى حد ذاته مشجع على الالتزام وكمان بنشوف ايه الغلط اللى بنعمله
عشان مايتكررش تانى ابدا ياريت بقى يابنات نلتزم بجد
وان شاء الله التقرير بتاعنا هيكون شكله يوميا كالاتى
الفطار :
الغداء :
العشاء :
المية : وطبعا ماتقلش عن 2 لتر فى اليوم احنا فى الصيف واظن دى حاجة سهلة والله ياجماعة انتوا لو تعرفوا قيمة المية دى مش هتبطلوا شرب طول اليوم انتوا عارفين لو بتشربوا مية كدة من غير دايت هتلاقوها بتفرق معاكم اساسا ياريت بقى تحاولوا كدة تشربوا كوباية مية كل ساعة ان شالله تظبطوها على الموبايل تذكير اتفقنا يابنات
الرياضة : ماتقلش عن نصف ساعة فى اليوم حتى لو هتتمشى فى البيت المهم نعمل رياضة كل يوم وخلاص
ودى بقى فيديوهات فيها رياضة المشى فى البيت عشان مش عاوزة حجج قرعة من اى واحدة
الجزء الاول :
https://www.youtube.com/watch?v=45wkl…74C6 6E03C094
الجزء الثانى :
https://www.youtube.com/watch?v=UxLrx…feature=relmfu
الجزء الثالث :
https://www.youtube.com/watch?v=-tHs6…feature=relmfu
فى شوية نصايح كدة ياريت الالتزام بيها لانها هتفرق معانا كتير
الشاى يكون بسكر زيادة : طبعا مش فى كل وقت لالالالالالالا مع الحلويات بس يعنى لو بتاكلى قطعة جاتوه او كنافة ولا بتاكلى بسكوت ولا كحك يبقى تشربى معاه شاى بسكر زيادة ليه بقى وده عشان اننا بنعمل عملية اكسدة وحرق للسكر الموجود فى الحلويات بالسكر اللى موجود فى الشاى
وماينفعش يبقى مع الحلو حاجة غير الشاى يعنى ماينفعش بيبسى مثلا ولا نسكافيه بسكر عالى ولا ده كله لاااااااااازم شاى
المكسرات : المكسرات طبعا كلنا عارفين انها ممنوعة
لانها تسالى والتسالى ممنوعات طيب ايه رايكم بقى فى اللى يقولكم كلوا مكسرات فستق او بندق او كاجو او سودانى اى حاجة المهم مايزدش عن 10 وحدات كل يوم عارفين ليه
عشان المكسرات دى بتعلى الحرق فى الجسم
لو واظبنا عليها كل يوم 10 حبات منهم كوجبة سناك هتفرق كتير معانا
وانا مش مسئولة عن اى كتكوتة تدوس فى اكل المكسرات لان لو زودتى عن 10 حبات دول هيقلب العكس وهيكوم دهون فى الجسم
خلينا عاقلين وعارفين ان الشى اللى بيزيد عن حده بيتقلب لضده
شرب الماء : انا دايما اقول لازم نشرب مية كتير اكتر من 2 لتر فى اليوم ليه عارفين ايه اللى بتعمله المية معانا اقولكم
الجسم دايما بيبقى خايف من الشخص انه يحرمه من حاجة فلما بيحس ان الانسان مش بيشرب مية كتيرة فى اليوم بيخاف ليحصله عملية جفاف وفى الحالة دى يضطر انه يخزن شوية المية الصغيرين اللى حضرتك شربيتهم دول جواه وفجأة تروحى تتوزنى تلاقى نفسك ثابتة على الميزان ولا زايدة كمان وده امر طبيعى جدا
انما لما بيلاقى الجسم ان المية اللى بتدخله زيادة عن المعدل اللى هو بيحتاجه اساسا هيعمل ايه ماهو مش هيقدر يستوعب كم الزيادة اللى داخلة له فى اليوم هيروح عامل عملية طرد للمية على هيئة بول ومعاها تنزل كمية كبيرة من الدهون والسموم اللى موجودة فى الجسم ايه رايكم بقى ؟؟؟؟؟؟
التقييم هيكون ازاى بقى
الفطار : درجة
الغداء : درجة
العشاء : درجة
المية : درجة الرياضة : درجة
يبقى كدة مجموع اليوم من 5 فى 6 ايام يبقى ب 30 درجة فى الاسبوع
نيجى بقى للنقطة المهمة وهى نوع الدايت اللى هنمشى عليه
شوفوا بقى يابنات كل واحدة ممكن تمشى على النظام اللى هى عاوزاه يعنى ممكن تمشوا على نظام الكربوهيدرات او الهرم الغذائى او الكميائى او كمياء الطعام او السعرات يعنى زى ماتحبوا
ولو واحدة حابة تمشى على نظام معين بس عاوزة نظام دايت مخصوص له تقولى وانا ان شاء الله هقولها على النظام اللى يناسبها
اتمنى بقى بعد ده كله نكون ملتزمين وجادين فعلا اننا نعمل اللى احنا عاوزينه ونحققه عشان نحس بفرحة تحقيق النجاح ماشى
ياريت بقى يابنات كل اللى هتشترك معانا فى الجروب تعمل ال 3 حاجات دول وطبعا الاعضاء القدام ياريت يتوزنوا برضه ويقولولى على الوزن الجديد اللى اكيييييييد زاااااااااد من بعد العيد
اولا تقول بيانتها الاتية :
الاسم :
السن :
الوزن :
الطول :
ثانيا تحط الشعار ده فى توقيعها وده من شروط الاشتراك
وده لينك تقدروا تعرفوا منه ازاى تعملوا التوقيع
لكل اللى مش بيعرف يعمله
كيفية عمل التوقيع ، وكيفية وضع صورة في التوقيع .
والحاجة الثالثة والاخيرة هو التقييم يابنات لو سمحتوا
وده طبعا بالنسبةللجمييييييييييييييييع عشان يثبت ويفضل فى اول صفحة دايما وادى شكل التقييم اهو عشان محدش يبقى عنده حجة
عاوزة اقول حاجة بقى واعتبروه تنبيه لان انا بجد بتعب من اللى بتدخل تقول انا معاكم ومانشوفهاش تانى
اللى هتدخل وتقول انها عاوزة تشترك لو عدى اسبوع بعد نزول النتيجة تنسى انها هتشترك تانى
والكلام ده نهائى ولا رجعة فيه deal or no deal
ويارب يبقى الجزء ده نهايته تكون سعيدة على الكل
وكل اللى بيتمنى حاجة تكون اتحققتله يااااااارب ::::::
noray A noray A 470330_10.gif سوبر فتكات Fatakat 470330 القاهرة – مصر