بسم الله
الحمد لله و الصلاة والسلام على رسول الله
إزيككم يا فتوكات
بصوا أنا بإذن الله هروح يوم السبت لدكتور للتخسيس
وناوية بإذن الله إنى أعمل كورس كامل بحيث على العيد إن شاء الله أكون
أولاً:
من الفائزين فى رمضان بالقبول و الغفران ==> وده عن طريق تظبيط العبادة مع بعض
ثانياً:
تخلصت من وزنى أو على الأقل نزلت من 12-18 كيلو بإذن الله
ثالثاً:
صحتى بقت أفضل ==>عن طريق الرياضة و المواظبة عليها
رابعاً:
بشرتى أصبحت أفضل و شعرى ==>عن طريق العناية اليومية بيها
خامساً:
بيتى يكون زى الفل بإذن الله بإننا ننضف التنضيف العميق على مراحل ونبدأ نحضر لرمضان من دلوقتى فى كل شئ
طبعاً ممكن نقول ان ده كل أحلام
لكن بإذن الله تعالى ربنا يوفقنا
^^^^^^^^^^^^^^^^
وعشان أنا خايفة من نفسي إنى أكسل لوحدى فقلت أعمل جروب هنا لينا
نشجع بعض ونقول لبعض كلمة حلوة
يكون هدفنا الأول تجديد النية
إننا أكون مثال جيد للبنت المسلمة الراعية لبيتها و بتسر زوجها ابتغاء مرضات الله
كل يوم بإذن الله هنملا البيانات اللى جاية دى بداية من يوم الأحد عشان هكون بإذن الله حطيت نظام الرجيم
هتنسخيها و تمليها
وبالله عليكم مش عايزين نضيع وقتنا أبداً لأن الوقت ده هنسأل عليه بين يدي الله
التقرير اليومي
*******************************
صلاة الفجر:
أذكار الصباح:
روتين العناية ببشرتك النهاردة:
الرياضة:
رويتن العناية ببيتك النهاردة:
الصلوات فى وقتها:
الفطار:
الغداء:
العشاء:
أذكار المساء
قراءة صفحة من القرآن على الأقل:
روتين العناية بشعرك:
روتين العناية بجسمك:
تصدقتى بإيه النهاردة: (بواقى أكل- فلوس – ابتسامة – سقيا ماء – كلمة طيبة – حبة رز فى طبق فى البلكونة للعصافير…….)
صلاة الوتر:
أذكار المساء:
أذكار النوم:
*******************************
طبعا الإجابة هتكون بكلمة (تم) أو بانك تقولى إيه الروتين اللى استخدمتيه عشان نستفيد كلنا
وكل يوم سبت بإذن الله هندخل هنكتب الوزن بقا كم دلوقتى وبإذن الله كل اسبوع نظبط الجدول بحيث على رمضان بإذن الله نكون عملنا حاجات كتييير و نكون ظبطنا علاقتنا مع الله عز وجل
يلا مين معايا ؟؟؟
قليلة الزاد قليلة الزاد 576592_5.gif فتكات هايلة Fatakat 576592 بورفؤاد – مصر