السلام عليكم
ازيكم ياأحلي صحبه
بصراحه الفكرة دي مش من عندي
الفكرة دي واحده معايا في الشغل هي اللي اوحتلي بيها
قلت لازم افيد بيها الفتوكات
اللي خلاها تقولنا ع الموضوع ده
واحده صاحبتنا في الشغل عندها مشكله في موضوع الدورة بتجيلها كل أربع خمس شهور
فلازم بتاخدلها حاجه عشان تنزلها
ولما بتنزل بتنزل بنزيف جامد طول فترة الدوره
فياعيني جت الشغل وكانت عامله حسابها طبعا وحاطه أولويز
بس للأسف من غزارة الدورة نقعت عي هدومها
وكانت باينه جدا
صاحبتنا اللي بقولكم عليها اللي اوحتلي بالفكرة دي هي اللي اخدت بالها وندهت عليها
المهم حاولت طبعا ينقذ ما يمكن انقاذه ودارت البقعه علي اد ما قدرت وركبت تاكسي وروحت علطول
ساعتها قالتلها انت مش عامله حسابك
قالتلها والله عامله بس هي بتيجي بتغرقني
قالتلها أقولك علي فكرة حلوة
حطي بدل الالويز بامبرز من بتاع عيالك أو اي نوع حفاظات كويس مش لازم بامبرز
والله جربي وهتدعيلي
قالتلها انا كنت زيك كده وكنت بلبس البمبرز الحجم الكبير
وبقعد طول اليوم في الشغل ولا بحس بحاجه
بصراحه عجبتني الفكرة وانا نفسي جربتها
فعلا الباكبرز بيبقي لافف علي المنطقه كلها حتي لو قعدت اونمت أستحاله يسرب
كمان البامبرز او الحفاظات بتبقي مصممه انها تمتص كميات اكبر كتير من الالويز
فبتنفع مع الفتوكات اللي بيفضلوا طول اليوم في الشغل برا البيت أو لو مسافرة مثلا
وكمان الفتوكات اللي مركبين لولب "أنا اصل مجربه الكارثه اللي اسمها اللولب"
وعارفه انه بيعمل نزيف طول الدورة وبيكتر عدد ايامها كمان
وكمان الفتوكات اللي لسه والدين طبعا الدم بيبقي غزير جدا
بصراحه أنا شخصيا جربت الموضوع ده وريحني جدا ونفع معايا
قلت لازم أفيد حبايبي كمان بيه
يارب أكون افدتكم
وربنا يكرمكم ويعزكم
سلام عليكم
ام حنين28 ام حنين28 347607_1.gif فتكات رائعة Fatakat 347607 بورسعيد – مصر