السلام عليكم و رحمه الله و بركاته
انا كنت قريت هنا فى فتكات طريقة البانية بجد حلوة جدا و ده نقلا من هنا من موضوع بس انا مش عارفة اسم الفتوكة ايه بس كل اللى انا هقدر اقولهولها متشكرة ليكى جداو تسلم ايدك
الطريقة
هاتى الفراخ البانية و تبليها بالحاجات دى قبل القلية ب 4 او 6 ساعات او قبلها كمان
هو انا اول ما بجبها بغسلها و بتبلها بالبصل و الملح و الفلفل و احطها فى الفريزر و لما احب اعملهااطلعها بتكون متبله كويس جدا و بعدين قبل القلية ب 4 ساعات اضيف عليها توم مفروم و ليمون و خل و زعتر و جنزبيل و رشة كمون
و حطى الفراخ فى التلاجة و بعدين وقت القلية
تجيبى الدقيق و تحطى عليه ملح و فلفل و شطة حسب الرغبة و جنزبيل
و تجيبى البيض و ممكن تحطى عليه شوية لبن حسب الرغبة و ملح و فلفل
و تجيبى بقسماط
و تحطى قطعة البانية فى الدقيق ثم البيض ثم البقسماط و تحطيها فى الفريزر 1/2 ساعة علشان تطلع مقرمشة
و بعدين تكونى سخنتى الزيت تطلعى القطع من الفريزر و تجيبى طبق مايه و تحطى القطعة فى المايه و بعدين الزيت
و ده علشان البقسماط ميقعش فى الطاسه و يحرق الزيت
و بجد 
و ادعولى و انا بشطر الفتوكه اللى ادتنى الوصفة
و قيمولى الموضوع علشان يثبت
و جزاكم الله خيرا مواضيع هذا القسم برعاية
و تمضى الايام و تمضى الايام images/avatars/sunset.jpg فتكات رائعة Fatakat 439723 القاهرة – مصر
سبحان الله و بحمده