السلام عليكم
ازيكم يابنات
للي عايشين في السعوديه
جربتو مكرونه روما
عجبتكم انا قولت اعملها بس مع شويه اضافات
المقادير
كيس مكرونه اقلام او حسب عدد افراد الاسره
صدر فرخه متقطع قطعه صغيره
مشروم
بصل جوليان وفصين توم مفرومين
معلقتين كبار طحينه
شرايح خيار
بهارات
الاول كدا اسلقي المكرونه عادي جدا زي مابتسلقيها
هم بيستخدمو مكرونه اقلام انا استخدمت مكرونه اسباجتي عادي
انا بحط في ميه السلق ورق لورا وحبهان وبحط ملح ومعلقه زيت
وبعدها اشطفيها بميه بارده عشان ماتعجنش
اركني بقي المكرونه
وهاتي طاسه
حطي فيها معلقه زبده وحمري البصل يدوب يصفر كدا
انزلي بالمشروم والفراخ وسيبيهم يتشوحو وحطي فص التوم
ملحوظه مكرونه روما مافهاش توم ولا بصل بس انا قلت ابدع
بيكتفو انهم بيشوحو الفراخ والمشروم
بعد كدا حطي بهاراتك
زعتر كسبره ناشفه ملح وفلفل اسمر او ابيض
وبعدين حطي المكرونه وقلبي كويس
وبعدين هاتي معلقتين الطحينه وممكن تكتري اكتر حسب المكرونه بس مش اوي عشان ماتمررش وضيفيهم علي المكرونه وقلبي
وبس كدا وبالهنا والشفا
اه يابنات نسيت اقولكم انهم بيحطو شرايح خيار مع المكرونه بس انا قلت بلا خيار بلا بطيخ
ماقتنعتش
يابنات انا عندي صورتين حلويين بس عمر مش راضي يديني الموبايل
مواضيع هذا القسم برعاية
انوس_مونتي انوس_مونتي 429733_1.gif برنسيسة فتكات Fatakat 429733 المدينة المنورة – السعودية
سبحان الله و بحمده