بسم الله الرحمن الرحيم..
تنبيه ..
هذا الموضوع خاااص بقاهرات النحافة فقط
ارجوا عدم كتابة اى مشاركات هنا سوى…
(جدول التقرير اليومى ) و(جدول اﻻمتحان اﻻسبوعى) الخاص ب قاهراات النحافة….
أى رأى ..رغى..سؤال …اللى تحب تشارك…تدخل اللينك هنا ده https://fatakat.univanet.com/#3532036
…بﻻش اى كتابة هنا من فضلكم..
بكرر تانى هنا الواجب واﻻمتحان وبس ……
مﻻحظات..
أ/شرح الواجب ..
خطوة 1/على المشتركات عمل كشكول بالبيت تكتب فيه كل اﻻكل اللى تناولته طوال اليوم…سواء اكل او شرب او اى ادوية او اى خانة مطلوبة فى جدول الواجب..هيقولوا عليكى فى البيت اتجننتى ههههه معلش ده واجب..وهدف ﻻزم نحققه …وعشان نحققه ﻻزم جد والتزام شوية ..
ويفضل ان تقرير اليوم السابق هو اللى يتكتب اليوم…يعنى تقرير الاربعاء يتكتب يوم الخميس..وهكذا..عشان نكون خلصنا اليوم كله وعرفنا هانكتب ايه..كدة هنحدد بالظبط كل اللى اكلناه ونكتبه فى الكشكول بتاعنا وتانى يوم بعد مانكتب الواجب فى البيت الصبح تانى يوم نروح المدرسه نوريه للميس هههههه..
خطوة 2/ تدخل يوميا تعمل اقتباس للمشاركة التانية إللى تحت او تعمل كوبى بست للجدول ..تعمل اقتباس وتكتب جوة مربع اﻻقتباس الاجابات ويفضل تكون بلون مختلف عن لون كتابتى انا..
خانتى (على الريق وقبل النوم ) /مش بمزاجك ﻻء ﻻزم تمﻻهم من اﻻختيارات المكتوبة..مش تحكم فيكم والله ..بس من خﻻل ابحاثى وجدت ان 90% من اﻻنظمة الغذائية اللى بيحددها اى دكتور ..بتركز جداااا على الاختيارات دى..ومش اى حاجة تانية سوى دول..وكل ماشوف نظام اﻻقيهم بيتكرروا فأذن مهمين وانا سيبالك باقى اليوم براحتك ماعدا دول..
خانات ( الفطور والغداء والعشاء ) /..دول الوجبات الرئيسية الكبيرة نختار اكل فيه سعرات عالية وكميات كبيرة..
خانه( قبل وبعد) / …دى اى سناك – تسالى – سندوتش -وجبة خفيفة – نقنقة……. براااحتك
خانة ترطيب الجسم/ المقصود ترطيب كامل للجسم كله علشان لما نزيد فى الوزن الجلد مايحصلهوش عﻻمات تمدد …وفيه زيوت وماسكات لزيادة التداوير..
والتمارين تكون مقاومة بالدمبلز لبناء كتل عضلية / ونشرب ماء كتييير ضرورى بعد اﻻكل لتنظيف الجسم من السموم / وطبعا هناكل سكريات كتير فﻻزم نحافظ على اسناننا من التسوس/ وننام بدرى علشان الجسم بيفرز هرمون النمو اثناء الليل/وطبعا بﻻش عصبية عشان منحرقش سعرات حرارية ..
خطوة 3/بعد ماملينا البيانات جوة اﻻقتباس نفسه..هانكتب من تحت بعيد عن مربع اﻻقتباس اى ذكر او نصيحة او مﻻحظة من سطر واحد مثﻻ عشان المشاركة تعتمد.
خطوة 4/ بعد ماتكتبى الواجب تدخلى لينك الجروب تكتبى انك كتبتى الواجب وترغى هناك براحتك
مفيش رغى غير لماتكتبى الواجب..ومفيش هنا رغى …هنا الواجب وبس..
خطوة 5 / المشرفة عليكم هاتدخل هنا تقرأ فقط.. وتصحح الواجب فى الجروب نفسه مش هنا..وأى تقليل فى الوجبات او مﻻحظة على اللى كتبتوه …هاتكتبتها هناك مش هنا..
اللى مش هايكتب الواجب يوميا هايتعاقب عقابين ..اﻻول انه مش هيحقق هدفه فى الوصول للوزن المثالى …ثانى عقاب.. ان المشرفة هاتمليه الجدول اجبارى وتمﻻه بكمية الاكل واﻻدوية اللى تعجبها هى وﻻزم ينفذ .. يعنى مش هاياكل على مزاجه يوم العقاب ده..ﻻء هاياكل بأمر المشرفة اللى كتبته ينفذ..
.
1/ هنحدد يوم فى اﻻسبوع وساعة ثابته كلنا نوزن نفسنا …طبعا بعد الصحيان وبعد استخدام التواليت وقبل الفطار يعنى المعدة فارغة..
2/ هندخل يوم اﻻمتحان الثابت من كل اسبوع وكل واحدة تعمل اقتباس لمشاركة اﻻمتحان..او كوبى بست..وتكتب البيانات.. خاص بالميزان..
طبعا هايطلعلك الناتج من ( الوزن الحالى – الوزن السابق) بنفس الترتيب كدة للطرح..اذا طلع الناتح بالموجب ممتازة..لو طلع بالسالب تبقى خايبة..
3/ اكتر متشاركة زادت هتاخد الجايزة..وهى نكتبلها شهادة او صورة باسمها.. وذلك اسبوعياااا
او كل اسبوعين زى ماالمشرفة تحدد يوم الجوايز..لكن الميزان كل اسبوع ..الجايزة ممكن كل نصف شهر او اسبوع براحتكم..
طبعا انا مزودتش سؤال خاص بالعبادات …يعنى ده بينكم وبين ربنا…وكلنا طبعا نعرف اننا مش هانحقق اى نجاح وربنا يباركلنا فيه غير باﻻلتزام بالعبادات من فرائض وسنن وفقه…..واوصيكم ونفسى باﻻستغفااااااار
تنبيه اخير…
مش عايزة واحدة تدخل تقولى بالتوفيق ……وﻻ تقولى عايزة اشترك معاكم ….اى سؤال استفسار اى كﻻﻻﻻم هنا فى اللينك ده..ولو دخلتى لقيتيه مغلق هاتﻻقى لينك جديد فى اخر صفحة ان شاء الله نكمل فيه..لو تم اغﻻقه
https://fatakat.univanet.com/#3532036
الموضوع مش منقول وﻻ كوبى بست..ده مجهود شخصى ..ومسامحة اى حد ينقله او يغير اللينكات طبعاا ويحط اللينك اللى يخصه..والله الموفق والمستعان.. حفظ الله مصر
dody slow dody slow 141094_2.gif فتكات رائعة Fatakat 141094 الدمام الشرقية – المملكة العربية السعودية