صباح الفل ،، طبعاً كلنا عارفين السؤال الممل بتاع هناكوووووول اييييييييييييه هههههههههههه ،،،
سؤال أزلى ـــ المهم فكرتى انى هريكم جدول اكلات الاسبوع بالطريقة كل اسبوع
لو عجبتكم الفكرة هنزل الجداول اول بأول ،،،
الأربعاء 10/9 ،، بامية _ ارز بالشعرية _ فراخ مشوية بالطماطم
الخميس 11/9 ،، مكرونة بصلصة حارة _ بوفتيك _ بطاطس محمرة
الجمعة 12/9 ،، سمك مقلى _ أرز بنى _ طحينة _طماطم مخللة
السبت 13/9 ،، كفتة فرن _ ارز بالطماطم
الأحد 14/9 شكشوكة _ فول بالطحينة _ بطاطس محمرة
الاثنين 15/9 مكرونة بشاميل بالخضار و لو باقى كفتة قدميها معاها
الثلاثاء 16/9 شاورما فراخ ، بطاطس محمرة
الأربعاء 17/9 بطاطس فى الفرن ، ارز
– البامية عادى مسبكة بس ليها تكة عرفتها من فتوكة اسمها dodololo انك تجيبى فص توم و قرن فلفل حامى و كمون و نضيفها ع التسبيكة و بعدين نسقط البامية
– الأرز بالشعرية بالطريقة العادية و ممكن تعمليه روزة و روزة لو معندكيش شعرية .
– الفراخ المشوية بطريقة الشوى بالطماطم ــ و د طريقتها ،،
الاول غسلتها كويس بالمبح دى فراخ مبردة من الهايبر اسمها اليوم ابتسامة
و بعدين شقيت كل قطعه شققة بالطول زى ما بنعمل ف السمك ،،
و جيبت التتبيلة بتاعتى اللى هى عبارة عن ،،
-بصلة مبشورة
-معلقة خل
-معلقة ليمون
-بهارات مشكلة اى نوع تحبيه انا بستعمل اللى جيباها من رجب العطار
– شطة حسب الرغبة
-معلقة كبيرة صلصة طماطم
-معلقتين زيت
-زعتر
انا حطيت التتبيله على بعصها ،، و حشيت بيها الشق ف الفرخة و الفراخ من جوا و بعدين قلبت كل حتة تقلبتين ف التتبيله
و اخيرا دهنت الصنية بنقطة زيت ،،نقطة كده بس ،،
و رصيت الحتت فيها و دلقت باقى التتبيلع عليها ابتسامة
و لعت الفرن 10 دقايق على نار عالية ،، و بعدين خليتها متوسطة ،،
حطيت الصنية و سيبتها ساعه الا ربع ،، و طفيت و ولعت عليها الفرن من فوق دقتين بس الوش يحمر شوية ،،،
__________________________________________________ _______________________________________
-صلصتى للمكرونة ،، بحط توم و اشوحه شوية ف الزيت و بعدين اطشه بالخل ،، و بعدين ازود مايه سوخنه بكون مسخناها مش من الحنفية ،،
و بعدين بحط الصلصة و الشطة و كمون عليها و اسيبها تتسبك و بعدين احط المكرونة ،،
-البوفتيك هعمله بطريقة افتوكة مدام منى و ده الرابط بتاعها
https://fatakat.univanet.com/#5509759
__________________________________________________ ________________________________________
– السمك المقلى كلنا طبعا عارفينه مفيهوش اى فتى ،، بس الدقيق بتاع القلى بزودله معلقة صغيرة كارى و معلقة صغيرة كركم و معلقة صغيرة شطة و بتفرق كتير ف اللون و الطعم ،،
– الارز البنى ــ بشوح بشر بصلاية ف الزيت لحد ما تغمق و بعدين احط الماية و بهارات و الحلو بقى انك تحطى معلقة بهارات سمك مشطشطة من اللى تبلتى بيها السمك ،، هتعجبك اوى
انا بتبله بالتتبيلة دى : فلفل مفروم و ثوم مفروم و ملح و كمون و شطة و لمون و بهار السمك الجاهز ،،
__________________________________________________ _________________________________________
كفتة الفرن ،، هعملها على طريقة فتوكة شهد كلمات الرحمن ،،
https://fatakat.univanet.com/#736319
-الارز بالطماطم ،،
كوبايتين رز ، بصلة مفرومة ، فص ثوم ، معلقتين زيت ، 2 طماطم مفرومة ف الكبة ، مكعب مرقة ، معلقة صلصلة كبيرة ،
معلقة كمون ، معلقة بهارات ، ملح
الاول هنشوح البصل فى الزيت و بعدها نضيف الثوم و الطماطم المفرومة و نقلبهم كويس ،،
بعدين نضيف مكعب المرقة ، و الارز للخليط ده و نقلبهم كويس و نضيف البهارات ،،
و بعدين نضيفالمايه و نسويه عادى
__________________________________________________ ___________________________________________
مكرزنة بالخضار ،، انا بقطع فلفل و زيتون و طنماطم و اخلطهم بالمكرونة المسلوقة و بعمل البشاميل بالصلصة ،،
و ادهن بيه الصنية من تحت و اصب المكرونة و بعدها باقى البشاميل و اساوي الوش و لو عندى موتزاريبلا بحط ع الوش ــ
و ادخلها الفرن ،،
__________________________________________________ ___________________________________________
شاورما الفراخ :-
اولا لازم تبيتى الخلطة ف التلاجة ـــ
هتجيبى بانيه مقطع ، و فص ثوم و معلقة صغيرة فلفل اسود و معلقة صغيرة ملح و 3 معالق كبار زبادى ، و لمونة معصورة
و معلقة خل كبيرة ، و نص معلقة بهارات ،،
تانى يوم تخرجي الفراخ من التلاجة و تشوحيها من غير زيت لحد ما ميتها تنشف و تصفر ــ و تضيفى الطماطم عليها و تشويحها
و بعد ما تستوى خااالص حطى البصل و قلبيه معاها شوية بس كده
__________________________________________________ _____________________________________________
مواضيع هذا القسم برعاية
Sanfora _Sanfora Sanfora _Sanfora 1099764_2.gif مراقبة مدونة Fatakat 1099764 بريدة – المملكة العربية السعودية