السلام عليكم يا فتوكاتي يا جزء من حياتي 
حدوته النهارده بقى يا فتوكات عن مطبقيه المطبخ
امبارح اشتريت مطبقيه جديده لان كان عندي مطبقيه بلاستيك العاديه تشبه ده كده
وزهقتني بكذا عيب كده فقلت اجيب واحده ستانلس بس المشكله اني كنت عايزاها نضيفه وخامه كويسه وعلى اد المكان عندي
المهم مره رحت فتح الله شفت عنده مطبقيات تركي وعقبال ما رحت تاني اجيب كانوا اتخطفوا
لحد ما ربنا وفقني ولقيتهم نزلوا تاني اشتريت على طووووول وقلت اجيبلكم اسعارهم واشكالهم للي عايز يشتري
الصور اللي حعرضها ده من موقع الشركه من على النت
ده مطبقيات دور واحد بس وفيه منهم 3 اشكال وكانت تقريبا ب 89 جنيه
وه شكل تاني
وده شكل ثالث
ده سعرها 160 وهيا قطع يتتركب يعني الجناب بتتركب مع الرفوف و وهكذا
المطبقيه ده واللي بعدها دورين لكن قطعه واحده
ده الدور اللي فوق يشيل 12 طبق ومعموله بعرض المطبقيه زي مانتو شايفين كده
وده سعرها 152 جنيه
وده بقى نفس المطبقيه اللي قبلها بس الرف اللي فوق بتاع الاطباق بطول المطبقيه وشايل اطباق اكتر حوالي 18 او 19 طبق
وده سعرها 162 جنيه وده اللي انا اشتريتها
بس هيا ليها زي كوبايه كده مقسومه اتنين للمعالق والشوك بتتعلق فيها من الجنب
وده صوره بتاعتي لما اشتريتها امبارح
حسيت وانا ماشيه اني شايله كومودينو
حاجه حلوه كمان عجبتني في المطبقيات ده واللي شجعتني اني اجيبها
ان الصينيه اللي بتتحط تحت ده علشان تحوش المايه معموله في مجري زي الدرج كده بحيث اي وقت تسحبيها وتنضفيها وتحطيها تاني مش زي الاول كنت اشيل المطبقيه كلها علشان اشيل الصينيه بتاعتها انضفها
اتمنى اكون افدتكم ولو بالقليل بس حبيت أشارككم زي ما بتشاركونا
ملحوظه كمان : انا اشتريتها من فتح الله والاسعار ده اسعار فتح الله
متنسونيش بالدعوه اللي من القلب بقى
في امان الله
Fatafeat Fatafeat 651354_1.gif فتكات رائعة Fatakat 651354 الاسكندريه – مصر