السلام عليكم ورحمه الله وبركاته
انا كتبت مواضيع كتير على الخساسان
وملقيتش حد مركز او بمعنى اصح الكل يقول انا معاكى ونحمس بعض بس يجى بكره ولا الهوااااااا
بوصو بقه المرادى جيبالكو رجيم دكتوره بتابع معاها بس كنت مكسله وفضلت منفضه زيكو يعنى عارفين روحت وزنت من فتره شهر مثلا كنت 100
وبعدها فضلت منفضه بس جوزى بقه موصوكوش روحت للدكتوره دى ووزنت لاقيتنى اوف اوف ده الميزان كان هيولع 106
كنت هعيط سيبت نفسى قووووووووى المهم العزيمه خديتنى كال عاده يومين بالزبط ونخييت اووووووووووووووف
روحت وزنت تانى من اسبوع عارفين بقه القنبله قربت انا انفجر لاقيتنى
111 كيلوووووووو اعرف بقه جوم ايزاااااااى هجنن حطيت وقفه لنفسى وانا طولى 175سم
وده الى مساعيدنى لحد ما انى طويله وقررت ان فيه تحدى وهو انى لازم اتحدى نفسى وعملت الرجيم ده اسبوع وخسيت عليه
بوبووبوبوبووبوبووووووب واووووبه بقيت 106
يعنى فيه امل وانا مصممه وقد التحدى الرجيم ده لفوق ال100
الى حبه تشجعنى وتتحدانى مين هيخس اكتر اهلا بيها بس يكون فيه جديه امانه عليكو لان بجد المرادى هزعل قوى والله فيه امل اننا نحسن من مظهرنا وده الرجيم
بصو ياحلوين
الافطار:
1او2 بيضه مسلوقه+ربغ رغيف اسمر او 2 توست اسمر
او3 معالق فول بدون زيت ممكن تحطى فيه خضار +برضو ربع رغيف او 2 توست
او قطعه جبنه قريش +ربغ رغيف برضو
ومعاهم كوب شاى بالبن او نسافيه ويفضل اللبن يكون خالى الدسم وانا يابنات بستخدم سكر اسمو ماتش شوجر هاااااااااااااااايل فوق الوصف ده بالنسبا للفطار
الغداء:اهم حاجه السلطه الخضره وانا بكرها اساسا +3 معالق خضار نى فى نى ماعدا البطاطس +
حاجه من الحاجات دى
1-قطعه لحمه مسلوقه او مشويه
2-2 سمكه مسلوقه او مشويه
3-ربع فرخه منزوعه الجلد مسلوقه او مشويه
4 -2شريحه كبده بانيه مشوى
يااما ده من غير الخضار علبه تونه مصفى منها الزيت +رغيف بلدى وهيه قالت ده مسموح منو بس مره فى الاسبوع
من الغداء للعشاء ثمره فاكهه
العشاء :1 او 2 علبه زبادى +ثمره فاكهه
او طبق سلطه فواكه ماعدا الممنوع
الممنوعات الحلويات والجاتوهات
المعجنات والمخبوزات
التسالى
الموالح والمخلللات لانها بتفتح النفس
الفاكه الى هيه التين العنب الموز البلح المنجا ايه حاجه تانيه مسموح بيها
يفضل شرب 1ونص ل 2 لتر مايه ولعب رياضه اقل حاجه نص ساعه
وممكن تشربى كانزايه بيبسى دايت من نفسك والوزن بعد ابوعين والفرى هيكون يوم الوزن وهيكون وجبه الغداء هى الفريه بس
والمشروووووووب الساخن الى بجد مفعولو هايل وبيسد النفس وبينزل الكرش على طول معلقتين كمون على لمونه يغلو ويتشربو لما يهدى وهو بالزبط طعمو زى طعم حمص الشام يعنى مش مقظظ بس
اتمنى تشاركونى التحدى ونخس وبجد انا نفسيتى بقيت احلى بكتير بعد ماعريفت ان الارداه هى اساس والعزيمه والقوه هما الى هيوصونى للوزن المثالى ولكل وحده زى يااااااااااااارب ونبقى مووووووووز يلا هوب هوب
التقيم بقى عشان الموضوع يتسبت ودعوه حلوه منك ربنا يجازيكى خير
ملاكى مليكه ملاكى مليكه 695219_1.gif فتكات متميزة Fatakat 695219 الغردقه – القاهره