السلام عليكم ورحمة الله وبركاته
عملتلكم تورتة الملفيه الحادق بالجبنه
مش ليكم طبعا
ده كان عيد ميلاد زوجي ( ربنا يعطيه الصحه وطولة العمر يارب ويوسع رزقه ) قوله أمين يابنات
نخش في المفيد
الملفيه الحادق ده بيتباع زي الساليزون مربعات الكيلو بحوالي 52 جنيه
انا تكلفته ماعدتش ال 30 جنيه
وسهل مااخدش اكتر من 15 دقيقه
ده الملفيه انا جبت 3 طبقات بس اكتشفت انها طلعت عاليه فكفايه طبقتين بس
وده 1/2 كيلو جبنه فيتا وممكن جبنه دوبل كريم و 1/4 كيلو جبنه رومي
الجبنه الفيتا زودتها 4 معالق كبيره لبن و 2 معلقه كبيره زيت علشان تخف شويه
والجبنه الرومي ضربتها في الكبه ضربه خفيفه وممكن تبشريها
دهنت الطبق الاولى وماتكترييش الجبنه
وبعد كده الوش وظبطها من الجناب
وبعدين الجبنه على الوش وزوقتها بالجزر والخيار
بالمبشر قطعت شرايح وظبط الحروف في طبق بره وبعدين نقلتها عليها
وده شكلها النهائي
ايه رأيكم
اه نسيت اقولكم يكون افضل لو عملتوها قبل ماتتاكل بساعتين او اكتر وتحطوها في الثلاجه علشان الملفيه يطرا شويه والجبنه تمسك
انا شلت باقيتها في الثلاجه متغلفه ببلاستك لتاني يوم وعجبتني اكتر لما باتت
والملفيه جبت الكيلو ب18 جنيه من المخبز بس بيكون احسن من عند مستلزمات الحلويات " درب البرابره " وبقا ليه فروع في كل حته بس انا اللي كسلت اروح
بس كده
سهله ولا لأ؟؟
يالا مين حايعملها ؟؟ مواضيع هذا القسم برعاية
jasmin_n jasmin_n images/flowersavatars/avatar0030.jpg فتكات هايلة Fatakat 371157 القاهرة – مصر