النهاردة طقت فى دماغى اعمل غدا جديد
قعدت افكر لحد لما استقريت على اكلة لذيذة جدا
هاة اية راءيكم يلا نشوف
بسم الله الرحمن الرحيم
المقادير باذن الله
* 1 فرخة مقطعة 8 قطع او 4 قطع براحتك
*من 4الى 5 وحدات بطاطس مقطعة صوابع سميكة شوية
*كوب ونصف ارز انا استخدمت المصرى ممكن تستخدمى البسمتى حسب الكمية اللى انتى عوزاها
**تتبيلة الدجاج والبطاطس**
نجيب البطاطس والفراخ نروح ننقعهم فى
*1 علبة زبادى كبيرة(170 جرام)
4 فصوص ثوم مهروسة
14 معلقة صغيرة جنزبيل بودر
ملح فلفل اسود
1 معلقة بهارات تندورى
رشة كمون 2 معلقة كبيرة خل
عصير ليمونة
لون الزعفران (رشة صغيرة)
وننقع فى التتبيلة دى الفراخ والبطاطس وياسلام لو من قبلها بيوم
نبداء الشغل بقى
اول شئ نحمر البطاطس
ونطلعها من الطاسة ونرصها فى صينية فرن
وبعدين نحمر الفراخ من الجنبين يادوبك بس تاخد صدمة حلوة كدة من النار على الجنبين
وبعدين نرصها فوق البطاطس
ونصب عليهم الصوص اللى كانو منقوعين فية
وبعدين نحط ماية فى الصينية يعنى اللى يخلى البطاطس والفراخ تكمل سوا يعنى نقول كوباية مثلا متنسيش ترشى ملح وفلفل اسود على البطاطس بعد لما تنقليها الى صينية الفرن بس متزوديش متنسيش ان التتبيلة فيها ملح
وبعدين نغطى الصينية بورق فويل ونحطها فى الفرن لمدة لا تقل عن
45 دقيقة على الشبكة فى نص الفرن
وبعد 45 دقيقة تفتحى الفويل هتلاقى الماية لسة منشفتش سيبيها
12 ساعة فى الفرن لحد لما الماية تنشف
وبعدين حمريها تحت الشواية
دة كان بالنسبة للفراااااااااااااخ
نييجى بقى لطريقة الارز الهندى
مقاديروا
بصلة وسط مقطعة مكعبات صغيرة
زيت للارز او ذبدة
14 معلقة لون زعفران
*بهارات الارز اثناء السلق
عود قرفه فى حجم حبة اللوز يعنى مش كبيرة(ممكن 18 معلقة صغيرة قرفة بودر اوعى تكترى)
2حب حبهان
2 ورقه غار
2 عود قرنفل
1 ملعقة صغيرةبهارات تندورى
فلفل اسود
رشة كركم
رشة كمون
اول شى نحمر البصلة فى الزيت لحد لما تدبل وتصفر شوية
وبعدين نحط البهارات ماعدا لون الزعفران
ونقلب ثوانى وننزل بالارز ونغطية بالماء عادى وسيبية يستوى زى اى ارز عادى
وقبل اما يستوى بعشر دقايق نروح راشين بودرة الزعفران بشكل عشوائى على الارز هتلاقيى بقى الوان حبة برتقالى وحبة اصفر وحبة ابيض ونييجى بقى للتقديم الاول بنرص الارز وبعدين علية الفراخ وتوزعى البطاطس
وممكن ترشى على الوش زبيب ومكسرات بس للاسف مكنش عندى وقتها
وجمبهم طبق سلطة يسبقى تحفة
ما شاء الله تبارك الله
ودى مكونات
بهارات التندوري
:
• 1 ملعقة طعام بودرة زنجبيل .
• 1 ملعقة طعام كمون ناعم .
• 1 ملعقة طعام كزبرة ناعمة .
• 1 ملعقة طعام بابريكا .
• 1 ملعقة طعام كركم .
• 1 ملعقة طعام ملح .
• 1 ملعقة طعام فلفل أبيض .
الطريقه
(1) اخلطي البهارات معا جيدا في قنينة محكمة الاغلاق ، وضعيها في مكان بارد وجاف
انا كدة خلصت
محتاجة دعوة بصلاح الحال وربنا يباركلى فى زوجى واولادى
مواضيع هذا القسم برعاية
ام مريومة ومعاذ ام مريومة ومعاذ 401394_27.gif فتكات ست الكل Fatakat 401394 مصرية اسمعلاوية مقيمة بالسعودية – السعودية