ازيكم ياقمرات عاملين ايه انهارده حقول ليكم على تكات للفراخ المشويه فى الفرن والطريقه ده لو انتى حتسلقى الفراخ وعايزه الشوربه بتاعتها وممكن للفراخ اللى مش حتسلوقيها يعنى لو حتتسلق حتديكى نفس النتيجه وطبعا معاها رز بشعريا تعالو نبدابصوره للموضوع
المقادير
الفراخ ممكن تكون القطع اللى انتى عايزاها يعنى متقطعه الفرخه اربع او كل ربع اتنين يعنى تمانيه وممكن يكونوا دبابيس وده اللى انا عملتوه وممكن كمان يكونوا اجنحه
جنجيب الفراخ وحنشطفها ونغسلها كويس بالملح والخل ونسلقها فى مايه مغليه ومعاها البصل وورق اللورى والفلفل الاسود والبهارات والقرفه بس متستويش قوى يعنى 3/4 سواه
بعد كده هنطلعها فى الطبق علشان نجهزها للفرن ونحضر الخلطه
بعد كده الخلطه هى سر طعم الفراخ المشويه بالرغم انها مسلوقه وهى عباره عن
5طماطم *وبصل *ثوم مفروم*خل*كركم او كارى*قرفه وبهارات مطحونه *2حبهان*كسبرة ناشفه*فلفل اسود*ليمونه*وممكن الفلفل الحمر الطازج الباردمش الحراق
وكل المقادير ديه وفى الخلاط تضربيها كويس جداوحتكون تقيله ممكن تضيفى شويه مايه علشان تضرب فى الخلاط
بعد مانضربها نحطها فى صنيه على النار تتسبك شويه
وبعدين نضيف الفراخ علشان تاخد الطعم وبركز ان الفراخ تكون 3/4 سواه لان لسه حنرفع عليها الشوايه اللى فى الفرن وممكن نعمل الفرخه تكون كامله برده كده انا بشرح بالتفصيل للمبتدئات بس هى طريه سريعه مش حتاخد اكتر من نصف الساعه مع عمل الرز وبعد كده ندخلها على الشوايه العلويه للفرن
وبعد ما دخلناها الفرن تحت الشوايه ده شكلها وهى جاهزه
نعمل الرز ننقى الزر كويس ونغسلهاكويس جدا ونحمر الشعريهفى الزبده والزيت الزرة لغايه ميكون لونها زهبى وبعدين نضيف الرز بس يكون متصفى من المايه والرز يكون مفلفل لما يتحمر مع الشعريه كويس مع التقليب المستمر ونضيف الملح ونقلب لغايه ماالرز يكون مفلفل ونضيف المايه المناسبه ونسيبه يغلى وبعد مايشرب المايه نهدى النار ومنقلبش الرز ابدا لغايه مايستوى
وده شكله لما استوى وجاهز
وده شكل الاكله وهى جاهزة للتقديم وبالهنا والشفاء على فكرةالاكله ده سهله جدا ومدتها تقريبا نصف ساعه وحمس دقايق وسهله طبعا بس للى البنات اللى لسه بيتعلموا الطبخ ممكن يستفادوامنهاوبالرغم انهااكله بسيطه بس طعمها تحفه وجميله جدا
لو الموضوع عجابكم ياقمرات متنسوش الردود والتقييم لان الكلمه الطيبه صدقه واشوفكم على خير يارب ومنتظره رائكم مع السلامه
مواضيع هذا القسم برعاية
اميرة الجارجى اميرة الجارجى 166440_8.gif سوبر فتكات Fatakat 166440 القاهرة – مصر