السلام عليكم ورحمة الله وبركاته
دة لينك التوبيك الرئيسي بتاع جروب الاستعانه بالله ومشروح فيه نظام اللقيمات وفيه نقدر نتكلم براحتنا ونستقبل اي فتوكة عاوزة تسأل عن اي حاجة مش فاهماها
https://fatakat.univanet.com/#3616978
اما هنا هنكتب التقارير بتاعتنا علشان نقدر نقيم اعضاء الفريقين
فريق التفاحة وفريق البرتقالة
ودي شروط المسابقة للفريقين
1- كل اسبوعين هنطلع من كل فريق اكتر واحدة ملتزمة في تقريرها وما عكتش خلال الاسبوعين
2 – كل شهر هنوزن كلنا عشان نحس بالفرق الدكتور هوه اللي قال كده واللي عندها تطفل وعايزة توزن كل اسبوع مش مشكلة بس الوزن الاساسي هيكون شهريا
3 – رئيسة الفريق هتتغير كل اسبوعين و اكتر واحدة التزمت خلال الاسبوعين بالتقرير هيه اللي هتبقى رئيسة فريقها لمدة اسبوعين
4 – عشان كل واحدة ممكن ما تقدرش تكتب كل يوم التقرير تدخل مرة او مرتين في الاسبوع تكتب كل تقاريرها
5 – الرئيسة هيه المسؤولة عن الرد على تقارير فريقها وتشجع اعضاء فريقها وتنصح اللي قصرت ولو الرئيسة مادخلتش يبقى اي حد من اعضاء فريقها يرد بالنيابة عنها
6 – الوزن الشهري هيتحسب بالنسبة المئوية لكل فريق وهنشوف الفائز من الفريقين
7 – هنطلع اكتر واحدة خست في كل فريق وتبقى the biggest loser طبعا في الوزن وليها شهادة تقدير
8 – وهنطلع كمان اقل واحدة ماخستش اوماخستش خالص ودي ليها شهادة تعذيب مش تقدير
9- وبعدين هنقارن بين الفريقين ونطلع اكتر واحده خسيت على مستوى الفريقين مجتمعين
10 – طريقة وميعاد الوزن مهمة يعني يستحسن نوزن الصبح قبل الاكل وبعد الحمام وياريت لو تثبتي الميزانة ومكانها واللبس نفسه هوه هوه اللي هتوزني بيه كل شهر
11 – فريق التفاح هيكتب تقاريرة باللون الاخضر وفريق البرتقال هيكتب باللون البرتقالي
الفريق الاول فريق التفاح
1- الكبيرة الوزن 74 والطول 158 الهدف 65
2- ام العيال الطعمين الوزن 75,5 الطول 166 الهدف 70
3- ام اللؤلؤتين الوزن72 الطول 165 الهدف 69
4- ام هاشم 2 الوزن 72,9 الطول 158 الهدف 60
5- حياة الوزن 101 الطول 167 الهدف 95
6- قلب مسلمه الوزن الطول 160 الهدف 65
7- jana_elgamal الوزن 96 الطول 156 الهدف 70
8- romance2016 ( اسراء ) الوزن 66 الطول 159 الهدف 60
وده شعاره
الفريق التاني فريق البرتقال
1- sweety ana الوزن 68 الطول 165 الهدف 58
2- kokaeldabdoba الوزن 89 الطول 158 الهدف 80
3- roka 2024 الوزن 77 الطول 163 الهدف الاول 69
4- توتا اشتقت اليك ربي الوزن 78 الطول 164 الهدف 75
5- جنه الوزن 65,9 الطول 165 الهدف الاول 63
6- سمسمه الوزن 86,5 الطول 163 الهدف الاول 80
7- بنوته مسلمه لله الوزن 78 الطول 173 الهدف 70
8- نونه الوزن 94 الطول 171,5 الهدف 89
وده شعاره
ملحوظة هامه باب الاشتراك في المسابقة مغلق بس لو اي فتوكة عايزة تدخل تكتب تقريرها هنرد عليه ونشجعها واحنا تحت امرها بس مش هتشترك في المسابقة
واخيرا احب اشكر العضوات سلمى هيه اللي جابت النظام المعدل وجنة مصممة الشعار وسويتي صاحبة فكرة النسب المئوية والكبيرة صاحبة فكرة تغير الرئيسة كلاسبوعين وشكر خاص للعضوة سمسمه اللي تعبت في كتابة الموضوع وتجميع الاعضاء
اهم حاجه نستعين بالله ونجدد نيتنا ولازم نحط دايما قدامنا اننا بنحي سنة الرسول صلى الله وعليه وسلام
قلب مسلمة قلب مسلمة images/avatars/pacifier.jpg فتكات ست الكل Fatakat 109451 المزاحمية – السعودية