اولاً ازيكم و يارب تكونوا في احسن حال
ثانياً من غير مقدمات كتير
في 3 أنواع للغة بيتكونوا بالترتيب عندنا كلنا
1- اللغة الداخلية
2- اللغة الاستقبالية
3- اللغة التعبيرية
[COLO="Red"]اللغة الداخلية/COLOR] دى بتحتوى على 4 حاجات مهمة جداااا
و بتكون واقعة عند اطفال اضطراب التوحد فلازم نهتم بيها و نقويها علشان
بعد كدة يقدر يفهم كلامنا و يقوله كمان ..
اول حاجة اسمها دوام الشيئ .. يعنى ايه؟؟ يعنى مثلا لو رميت الكورة عين الطفل تتحرك في الاتجاه الى الكورة راحت فيه مش يفتكر ان طالما اختفت من ادامه تبئا اختفت نهائياً .. و ممكن نستخدم انشطة كتير علشان نقوى النقطة دى مثلا نشغل الموبايل و نخبيه و نخلى الطفل يدور عليه أو نلعب استغماية
تانى حاجة اسمها الانعكاسية و باختصار شديد يعنى التقليد اعمله باى يشاور زى .. اسقف يسقف
تالت حاجة اسمها ثبات الشيئ .. انا بدرب الطفل على صورة كرسي مثلا المفروض انه بديهياً يعمم المفهوم و لما يشوف اى كرسي تانى يبئا عارف ان ده كمان كرسي مش بس الصورة الى اتدرب عليها
رابع حاجة السببية .. يعنى الطفل يفهم لما يدوس على الزرار النور هيشتغل أو لما افتح الباب هنخرج
كدة خلصنا اللغة الداخلية اذا كان الطفل بيطبق الاربع نقط الى قولناهم يبئا الحمدلله عدينا 60% من المشوار
نيجى بئا للغة الاستقبالية .. يعنى يفهم الكلام و يستجيب ليه من غير ما ينطق
مثال : اطلب من الطفل يفتح الباب فيفتحه .. كدة هو فاهم
مثال تانى : فين القلم ؟؟ يدينى القلم
اللغة التعبيرية و هى المرحلة الاخيرة يعنى الطفل ينطق
مثال : ايه دى؟ بطة .. مين هيلعب معايا ؟ انا …….. و هكذا
علشان كدة ممكن نلاقي اخصائي مبسوط جدا من مستوى الطفل و الام مش مبسوطة لانه منطقش و كل جلسة تسأل هينطق امتى
النطق هو اخر مرحلة و مش اهمها يعنى يهمنى ان الطفل يفهم و يدرك الى حوليه الاول و بعدين يتكلم لما ربنا ياذن
يارب تكونوا استفادتوا من المعلومات دى و اى استفسار انا موجودة
و ربنا يطمننا على اطفالنا و تشوفوهم في احسن حال [/color]
Ashria Ashria 430082_12.gif فتكات هايلة Fatakat 430082 CAIRO – EGYPT