السلام عليكم ورحمة الله وبركاتة
بصوا بقي من غير ولا كلمة واحدة
هاقول اللى نفسي فية براحتى
طبعا انا كنت مزة مزة لما اتجوزت وكان جسمى ماشاء الله حلو
لا تخينة ولا رفيعة
وكنت امشي في الشقة اوعى
انا اهز يمين يدلع ده وانا اهز شمال يدلع ده
هههههههههههههههههههههه
بعد الحمل والولادة بقي الشكل اوعى
انا اهز يمين يدلدق ده وانا اهز شمال يدلدق ده
وبقي الشكل العام والحمد لله غريب
طبعا زى الدبة وحاجات كتير كدة ( وزى ليه شيله زى كمان)
انا بقالى دلوقتى 8 شهور والده
وبحاول ارضع ابنى علي فترات قليلة وطبعا ااكلة طول النهار
من غير رضاعة وخليت الرضاعة بليل
قولت كدة كدة انا مش برضع اوى
قولت بقي اشوف حالى لاحسن الراجل مجننى بتريقتة عليا
جربت حاجات كتير وققللت في اكلى جدا
وبرضة مافي فايدة
جربت حبوب الشاي الاخضر والشاي الاخضر
والمشروب السحرى اللى كان في المدونة ( الكمون والليمون و…)
وكمان جربت شاي التخسيس
ومافيش حاجة برضة اتغيرت ولا كيلو اتحرك من مكانة
قولت اعمل رياضة طبعا ما نفعش لانى كنت والدة قيصري
ففكرت اجيب الليبو 6 بلاك هرز
واخد منه قرص واحد بس اهو منه يزود الحرق ومنه يسد نفسي شويه
طبعا لقيت تعدد في الاراء هنا فى المدونة
بنات قالوا علية حلو وبنات لأ
طب قولولى اعمل ايه
انا طول الليل بحلم بيه
وكنت هاجيبة النهاردة
بس مش عارفة قولت برضة ارجع ليكم واشوركم
بس امانة بالله عليكم
محدش يقولى ماتفكريش دلوقتى قى انك تخسي عشان بترضعى
والله انا خلاص اتخنقت من كل واحد بيشوفنى بيتريق عليا
حتى اقرب الناس ليا لما كرهت اشوف الناس او اخرج بره بيتى
بجد الناس اللى جربتة بامانة تقولنا عمل معاها نتيجة كويسة ولا لأ
وكمان خست كام كيلو وفي قد ايه ؟؟؟؟
مستنية ردودكم عليا
نفسي ابقي مزة تانى في عين الناس وجوزى اهم
لاحسن انا كدة خلاااااااااااااااااص
زهقققققققققققققت
مستنية الردود
هادخل انام واصحى ان شاء الله
الاقي الردود نازلة زى المطر عليا
…………………استودعكم الله ……………
shosho_keta shosho_keta 164254_4.gif فتكات هايلة Fatakat 164254 القاهرة – مصر