كان في فتوكه هنا في المنتدي وكاتبه مشكلتها دي انا عملتلها اقتباس عشان تقروه بنفسكوا
انا كتبتهولكوا وكتبت ردي عليها هنا في موضوع مخصوص عشان كتير منا عنده في حياته مشكله زي دي وبيدورلها علي حل
دا بقي كان كلامها اقتبسته هنا
المشاركة الأصلية كتبت بواسطة ;117205321 السلام عليكم ورحمة الله وبركاته
عاملين اية يارب تكونوا بخير
كل سنة وانتم طيبين
انا تعبانة نفسيا جدا وحسة انى حيجيلى انهيار عصبى من الزعل
انا كنت حامل قبل كدة وسقط الحمد لله على كل حال
وحملى دة من اوله مشاكل تجمع دموى ودم احمر ودم بنى الحمد لله على كل حال
ولسة طالعه من المستشفى وحسة حيجيلى انهيار عصبى حاد
نمت شوية وجالى كابوس ربنا يستر
وقمت من شوية ادخل الحمام الاقى دم بنى محمر
طيب اعمل اية بالله عليكم
انا فى اخر الخامس وباخد المثبت ومريحه
اعمل اية تانى بالله عليكم
انا حسة ان خلاص حملى مش حيكمل وعندى وجع
انا والله بصلى وبقرا قران وبدعى ربنا
اعمل اية باخد مثبتات
هو لية بيحصلى كدة
نفسى ابقى ام
مش بتمنى حاجة فى حياتى غير ان حملى يكمل على خير يارب
اعصابى تعبت ونفسيتى منهارة
وحسة خلاص ان حملى مش حيكمل
اعمل اية تانى بدعى ربنا وباخد بالاسباب وباخد العلاج واتحجز فى المستشفيات
اية تانى اعمله
الحوامل كلهم ماشاء الله حملهم مستقر وانا متبهدله وبقول الحمد لله بس يكمل على خير
انا منهارة ومش قادرة اعيش وانا حسة ان حملى ممكن يروح فى اى لحظة
نفسى انام مطمنة
ادعولى بالله عليكم
انا نفسى حملى يكمل وابقى ام
هو لية رحمى بيموت الاجنة كدة
انا عملت اية فى حياتى علشا ن يحصلى كدة
ادعولى بالله عليكم
الدم يقف ومشوفهوش تانى اعصابى تعبت
ودا كان ردي عليها يمكن تستفادوا بيه
وعليكم السلام ورحمة الله وبركاته
ماتزعليش مني
عارفه انتي عملتي ايه
اكبر حاجه وحشه انتي عملتيها عدم رضاكي بقضاء الله وقدره واللي هو من اهم الحجات اللي خلقنا ربنا عشانها
داذنب كبير قوي كتير منا بيقع فيه
بيقول ليه بيحصلي كدا انا عملت ايه
ربنا امرنا ان نؤمن بالله وملائكته وكتبه ورسله و(القدر) خيره وشره
يعني لما يصيبنا مكروه نسلم بقضاء الله وقدره ونعرف ان دا امر الله وقضاء وان امر ربنا كل خير فا نرضي بيه ونحمد ربنا
ارجعي يابنتي اقري كلامك اللي انتي كتبتيه دا واقريه بتمعن كدا تاني وانتي هتعرفي فين المشكله عندك بالظبط
معلش ماتزعليش مني يمكن انا يكون كلامي قاسي عليكي شويه بس انا حبيت اوصلك لاساس المشكله عندك وعند ناس كتير قوي وانا كمان منهم
اننا لما بيصيبنا مكروه بنجزع ومابنصبرش ودايما عاوزين الدنيا وبنجري وراها مع اننا لو رضينا بقضاء الله وسلمنا ورضينا والله لهتلاقي الدنيا هي اللي بتجري وراكي ويتخلفي بدل الطفل عشره ومش ملاحقه كمان
ربنا يثبت حملك ويقر عينك ويصبر قلبك يارب والله حاسه بيكي جدا بس حبيت اقف جمبك في المشكله اللي عندك اللي هي مصيبتها اكبر بكتييييييييييييير من السقط الكتير والحرمان من الامومه
واسفه مره كمان ان كان اسلوبي جاف معاكي
بحبك في الله
قوطه حمراء قوطه حمراء فتكات غالية قوي Fatakat 404396 استغفري الله – اذكري الله