ازيكووو ياعرايس
وحشتونى من ساعه الموضوع الى فات الى اتقفل
نيجى للمهم
بصو بقى انا هقولكو انا ناويه اجيب ايه للحمام والى عندها حاجه مختلفه او زياده ياريت نفيد بعض
انا هجيب شاور جل لوكس بالفراوله والكريمه ناس كتير شكرو فيه
وهجيب شاور انشانتر ولوشن انشانتر وبودره انشانتر
وجالى مجموعه فيكتوريا سيكرت هديه (شاور ولوشن واسبراى للجسم ) بس حجمهم صغير اوى مش هايكفى اسبوع اصلا
وفى ناس كتير جدا بيشكرو فى شاور ديتول
ولو حد عايز يزود فى شاور ماى واى ليالى الانس ناس برضه شكرت فيه كتير
واوريفلام طبعا عندها حاجات حلوة اوى
دا بالنسبه للشاور
انا شخصيا بعشق صابونة سينوبار والغسول بتاعه كمان بجد تحفه بحس انه بيفتح وبيقلل من الحبوب وكمان طبى
وديتول كوول ولايف بوى برضه كويسين جداااا
ودوف طبعا للناس الى بشرتها جافه بتبقى جميله معاهم
نيجى للشعر
بالنسبه للشامبو فدا بيختلف من واحده لتانيه فانا مش هقدر افيدكو فيه اوى
بس المفروض كل واحده عارفه ايه هايمشى مع شعرها وبلاش تجربى كتير عشان الشعر بيقصف من كتر الشامبوهات
بس عامه انا بفضل شامبو صن سيلك الاسود وبانتين
وبعشق حمام الكريم الى بزيت النخاع بجد جامد جدى
ونصيحه ياعرايس للناس الى شعرها خفيف ياريت يستخدمو بنتوجار المصرى او المستورد عادى مش هتفرق بس قبل الفرح على الاقل بتلت شهور وبالنسبه للناس الى جسمها مشعر اوعى تستخدميه عشان الدنيا هتتعك اوى
وبالنسبه لزيت الشعر انا بحب دابر املا بس الاصلى وبارشورت جولد وفى ناس بتحب سباركل بس انا بصراحه برتاح لدابر اكتر
نيجى بقى لكريم الجسم
انا بحب كريم جوردانى جولد بتاع اوريفلام بس الدهبى بجد حلو اوى وريحته جميله ومرطب كمان
وبصراحه مجربتش غيره لو حد جرب حاجه تانيه ياريت يفيدنى
وفى لوشن فازلين حلو اوى برضه
بالنسبه لمزيل العرق يفضل ريكسونا او فااااا الاورنج
نيجى بقى للمكياجات
انا بفكر اجيب 2 علبه بودرة مائيه (شيرى )
وعلبه ايشادو كريمى الكبيره 104 لون دى وانا بفضل ميس روز او بريتى
و5 الوان روج مختلفين وزبده الكاكاو طبعا فى الحمام مع اى كريم مرطب ويفضل جونسون
ومسكره وقلمين حواجب بنى واسود
وتلت اقلام كحل منهم واحد برضه للحمام
و2 روجاجو واحد هادى جداا للخروج وواحد روز فاقع كدا
و4 منوكير الوان بقى احمر وفضى وموفات بقى
انا عارفه انى نسيت حاجات بس مش فاكره اى حاجه حاليا تانى
لو نسيت حاجه فكرونى ياعرايس وادعولى ربنا يفرح قلبى ويبعد عنى العين ويكفينى شرها انا وخطيبى ويصلح حاله ويعينه على الى هو فيه ويتملنا جوازنا على خير ويرزققنا بالذريه الصالحه
كوكى مصطفى كوكى مصطفى فتكات رائعة Fatakat 729629 اسكندريه – مصر