ازيكم يااحلى فتوكات يارب تكونوا بخير
كنت بعمل الرز الصيادية وكان دايما بيعجن
روحت قولت لنفسى انا هجرب حاجة ولو نفعت يبقى كان بها
منفعتش يبقى خلينا فى الرز اللى بيعجن
جبت البصل ووحطيته فى طاسة لحد ماوصل للون اللى انا عاوزاه
وبعدين حطيتله كل التوابل والاضافات بتاعة الرز
واحدة هتقولى طيب وايه الجديد
اصبرى انا جايه فى الكلام
بجيب الرز واحطه فى حلة واقلب فيه على النار مع شوية زيت لحد مايصفر
يصفر مش يحمر وبعدين احط المية اللى بالبصل والاضافات اللى عملناها فى الاول
ونظبط الملح وكمية المية ونسويه عادى زى مابنعمله ويستوى
هتلاقيه مفرفر كده مش ماسك فى بعضه ولونه حلو
زى بتاع المحلات وبالهنا والشفا
لو حاسة انك استفدتى قيمى و لو مااستفدتيش بردو قيمى
مواضيع هذا القسم برعاية
بدر البدور 77 بدر البدور 77 366182_7.gif سوبر فتكات Fatakat 366182 سوهاج – مصر