السلام عليكم ورحمة الله وبركاته
والصلاة والسلام على حبيبنا المصطفى
صل الله عليه وسلم
:::::::::::::::::
كل سنه وانتم طيبين ومع اللحمه والفته معيديين
عاوزين سلطاتنا حلوة كده جنب اللحمه فى العيد والعين بتاكل قبل الفم طبعا
هاقولكم سلطاتنا العاديه بافكار بسيطه وسهله اتمنى تعجبكم
وسبق وقدمت مقبلات الخيار بالجبنه بس للاسف كنت لسه مش عارفه ونزلتها مع تشيز كيك فى موضوع واحد
ودى صورتها واللينك
https://fatakat.univanet.com/#2042018-3
وده شكل بابا غنوج من مطبخى والنهارده هاقول الطريقه مع اشكال تانيه
وبالنسبه للشكل ده فهو وش العين بزيتون او ورقه بقدونس
والشعر بجزر مبشور والحاجب بفلفل اخضر والفم بشريحة طماطم وعملت انف بالذرة الحلوة
وممكن حسب المتوفر عندك تغيرى فى المكونات لرسم الوجه
وده من مطبخى وحصرى
الاول هنخلل خيار فى السريع :
لكل كوب ماء معلقه كبيرة ملح (معلقة طعام ممسوحه )
وربع كوب خل — خيار حسب حجم البرطمان
تحطى الخيار فى البرطمان المعقم البارد (بوضعه على الشعله مقلوب من بعيد 3دقايق )
ونحط الماء والملح والخل
البرطمان اخد 4اكواب ماء يبقى نحط 3وربع ماء وكوب الا ربع خل
ونخليه فى درجه حرارة المطبخ عادى
تانى يوم لونه هيتغير ندخله التلاجه ونستعمله من التلاجه لغاية ما ينتهى
كنزى بنتى لازم تحط بصمتها معايا
هنا الخيار المخلل مع متبل الباذنجان
نشوف المتبل ازاى وهنقدمه ازاى
________________________________________
____________________________
متبل الباذنجــــان
_ _ _ _ _
لكل 2حبة باذنجان علبة زبادى 170جم تقريبا
2م ك طحينه +ملح +خل + ليمونه
كسبرة ناشفه ناعمه وكمون +فص توم او 2
يشوى الباذنجان على شعلة البوتاجاز مباشرة ويقلب 10دقايق حتى ينضج
يقشر وهو ساخن ويهرس بالشوكه
يضاف فص او 2 من التوم المفروم ناعم والملح والكسبرة والكمون
والليمون والخل والطحينه والزبادى ويظبط الملح حسب الرغبه
يمكنك اضافه كسبرة خضراء مفرومه
توزع فى الطبق البلاستيك عند الخروج لتناول الطعام بالخارج وتجمل بخطوط بواسطه الشوكه
يرش الوجه بالسماق بشكل جانبى ويقدم
او يشكل فى طبق دائرى وتغمس الشوكه فى الزيت او الماء ثم فى السماق
حتى يلتصق بها ثم نضع الشوكه على اطراف الطبق ليلتصق بالسلطه بنفس الشكل فى الصورة
وتكرر 4مرات ثم نضع شرائح من الخيار الاخضر والمخلل السابق
لا تقرأ وترحل اترك رد او نقد
بابا غنوج المشاركه القادمه انتظرونى ….ودى الصورة للتشويق والتجويع
الطريقه صفحه 2 فى النهايه
مواضيع هذا القسم برعاية
كنزى همام كنزى همام images/avatars/peppers.jpg فتكات ست الكل Fatakat 538054 الطائف – لسعوديه