ازيكوا يا حبايبى .. عشان نبقى متفقين اللى تدخل تجاوب على أسئلتي و نفيد بعض كدا مش تتفرج و تطلع
النهارده هجيبلكوا تفاصيل رحلتى الشاقه ب ال 1000 جنيه اللى ماما اديتهوملى
صلوا على النبى الأول
أول حاجه عملتها انى رحت سينابون كلت السينابونايه دى
بعد كدا خدت بعضى و رحت نور الدين "انا من المنصوره" جبت الحلتين دول هما بدرينى .. طبعا يادوب عالفلوس لأن حله ب 370 مقاس 24 و حله اكبر مقاس 26 ب 408
اكتر حاجه معجبتنيش ان الحلل متعلقه و مش متغلفه كويس خالص .. وممكن تتخربش بسهوله ولا ليها كرتونه ولا نيله
دول المقاسين يا بنات ..
ودا شكل الحله من جوا حلوه أوي ما شاء الله
ودى حروف بادينى بارزه عالايد .. و مكتوب عالحله من تحت Pedrini >>
" ملاحظه " فيه موديل تانى الايد معليهاش حروف عادى و مكتوب عليه من تحت made in italy
ودى صورة الحله بالغطا هاا ايه رأيكوااا
الأسعار يا بنات
حله مقاس 20 ب 300
حله مقاس 22 ب 340
حله مقاس 24 ب 370
حله مقاس 26 ب 408
ملاحظه تانيه بدرينى الأسود غير الأحمر الأسود 8 طبقات سيراميك و أغلى الأحمر 6 طبقات و بيبقى أخف وفيه منه مقاسات كبيره عادى
طبعا فيه طاسات و سوتيز "صينيه بغطاء" بس مش هجيب منهم لأنى جبتهم سيراميك ماركة كوركماز ف مسألتش عالسعر
خدتهم بقى و طلعت عالرملاوى .. ف السكه الجديده
كنت ناويه أشترى عليهم حله سافلون كبيره البيضا من جوا بس بصراحه شكلها من برا سيء جداا معجبتنيش .. ومش لايقه عالطقم
انا عايزه يبقى عندى 3 حلل وماما بتقولى كفايه 2
ستات البيت قولولى احاول احوش و اجيب واحده كمان بدرينى اجيب مقاس مكرر ولا أعمل ايه ؟!!
وانا هناك بقى لمحت ستانلس زهران الجديد .. شكله توحفه .. الشكل القديم البومبيه دا مكنش عاجبنى خالص
وطبعا صورتلكوا الأسعااار وكتبتلكوا المقاسات عالصوره وفيه منها ايد عاديه و ايه مدهبه "المدهب أغلى"
أرجوكم يا بنات لو واحده جربته تقولى رأيها فيه
و بالمره بقى ايه رأيكم ف طقم المعالق دااا .. ؟!! شيك ولا ألاقى احلى
انا مش عايزه تقييم عايزه بس دعوه ربنا يرزق خطيبى ب شغل .. شكرا ليكم
ودى بقى بيضة شم النسيم اللى انا لونتها . أنجري بيييييييض
white Tulip white Tulip 465952_4.gif فتكات رائعة Fatakat 465952 المنصورة – مصر