بسم الله الرحمن الرحيم …
اولا انا بحب دايما الوصفات السريعه واللى فيها انجاز وكل الوصفات اللى قولتها فى مواضيع قبل كده او اللى ان شاء الله حقولها سهله وسريعه … انا حقولكم على طريقه للرنجه انا عارفه ان فى ناس تعرفها اكيد بس انا بكتبها للميعرفهاش … حتجيبى الرنجه مثلا كيلو رنجه تنظفيها وبعدين تخليها من الشوك والجلد وتهرسيها وتحطى عليها فنجان طحينه وشطه وكمون وعصرة ليمون متكتريش فى الكمون … وبعد ما تهرسيهم كلهم على بعض هاتى الخلاط وخدى مقدار صغير من الخليط بتاع الرنجه اللى عملتيه ده واخلطيه فى الخلاط وهكذا لغاية ما تخلطى الخليط كله عشان لو حطيتى الرنجه كلها فى الخلاط مع الطحينه مش هتلف كويس فى الخلاط وهتبقى تقيله وبعد ما تخلصى خالص حطى عليها شويت زيت وقلبيها وحطيها فى علبة تلاجه وحطى على وشها شوية زيت صغيرين واعملى منها السندوتشات فى العشا سريعه وسهله وخفيفه وهتلاقيها بتفرد عالطول فى السندوتش وحلوه فى الرحلات او فى اى وقت مش عارفه هتاكلى ايه وزهقتى من الطبيخ ودى صورتها مواضيع هذا القسم برعاية
كادنسى كادنسى 239059_9.gif فتكات هايلة Fatakat 239059 الجيزه – مصر