طبعا كلنا دلوقتى بنستعد لرمضان بكل مالذ وطاب
واهم اكلة فى رمضان واساسيه هى الفووووووووووووووووووووووووووول طبعا مش المحمر والمشمر
مش هاطول عليكم انا عرفت من احد الطباخين فى فندق 5 نجوم على سر الفول وازاى بيبقى احمر كده وحلو وذى الزبده
قالى انه شىء بسيط اوى احنا بنضيف عليه لون من الالوان اللى بنستخدمها فى الحلويات وتتصوروا اللون برتقالى كمان
يعنى كيلو فول تدميس على ربع فول مدشوش على ربع عدس اصفر بننقع الفول والفول المدشوش من بالليل علشان ما يخدش سوى وتوفير فى الغاز والصبح نزيل الميه ونضع ميه جديدة للتسويه ونشيل الريمة وبعد الغليان نوطى عليه وبعد نصف ساعة نضيف العدس وهو داخل فى السوى نضيف اللون ربع معلقة صغيرة ( على حرف المعلقة ) مش كتير وبعد مانطفى علية ويبرد نشيله فى اكياس وعلى الديب فريزر على طول وطلعى على قد احتياجك الكيلو بيعمل 12 كيس وبالهنا والشفا انا عملته والله العظيم طلع تحفة ومكناش مصدقين انه معمول فى البيت وكانه جاى من المطعم والحلى وانظف واى سؤال انا تحت امركم مواضيع هذا القسم برعاية
فرفورة 2024 فرفورة 2024 441524_1.gif فتكات ست الكل Fatakat 441524 القاهرة – مصر
سبحان الله و بحمده