الــــــــــــــــــــــــــــســـــــــــــــــــ ـــــــــــــــــــلام عليكم جميعا
دى طريقة بسيطة انا مجرباها وقولت افيد الكل بيها
حلة الضغط فكرتها ببساطة انها بتمنع خروج البخار اثناء تسوية الاكل وده بيساعد على سرعة التسوية …اوك
احنا هنحاول نعمل نفس الفكرة …
هتجيبى الحلة العادية وغالبا لما تيجى تسلقى لحمة لانها من الاكلات اللى بتاخد وقت فى السوى ….
هتظبطى المية بصل وتوابل وغيره ولما تغلى تحطى اللحمة وغلوتين ونبدأ تنفيذ الخطة
هاتى ورق فويل يعنى ورق المونيوم يعنى ورق قصدير ….بكل اللهجات اهوه
غطى بيه الحلة كويس واقفلى من كل جوانبها عشان مفيش اى بخار يتسرب منها نهاااائى وحطى فوق الفويل غطا الحلة "وطبعا بتكونى ماسكاه بفوطةمطبخ عشان ما تتلسعيش ..مش طالبه بطولة يعنى هههههه
وهدى النار حاولى ما تفتحيش عليها خلاص لحد ما تستوى ….او تتحرق لو المية مش كفايه طبعا
خدى بالك من حاجتين …
1- متخليش اى فويل نازل لتحت وملامس للنار لانه هيتحرق "اتنيه لفوق " قبل ما تولعى النار تانى
2- اعملى بطرف السكينه خرم صغير خالص فى الفويل عشان البخار الزيادة يطلع منه وما يضطرش يفتح الجوانب ويطلع منها
وبس خلالالاص…. كده اللحمة هتستوى فى نص الوقت المعتاد وعن تجربة وعلى ضمانتى ….
وعلى فكرة انا بعمل كده فى اى اكلة مستعجلة عليها ممكن محشى , كباب حلة اللى يعجبك
لو عجبتك الفكرة قيمى بقى وخليكى جدعه
سؤال جالى من فتوكة حااااااااالا
المشاركة الأصلية كتبت بواسطة ام عمر12 طب انا مش اما احط غطا الحلة الفويل هيتقطع؟؟؟ ده سؤال فى الجوووووووووووووووووووون احب الفتوكات المتابعة
الاجابة انك تستخدمى حلة غطاها مسطح مش زى غطا التيفال اللى بيدخل لجوه الحلة
لو مش كده مش مهم ….انا بحط الغطا عشان يتقل على الفويل فيفضل سخن ويسوى اسرع ….يعنى ممكن تحطى فوقها طبق كبير او صنية …او متحطيش خالص مواضيع هذا القسم برعاية
* WHITE BIRD * * WHITE BIRD * 94432_10.gif سوبر فتكات Fatakat 94432 البيت – ………..