ازيك يا أحلى اخوات
انا امبارح رحت المركز المصرى لاطفال الانابيب (( ابو الغار )) كان معايا جواب من الدكتور بتاعى ((د / ماهر عبد الوهاب )) كان بعتنى للدكتورة رجاء منصور (مدير المركز ) فالحمد لله رحت الساعة 11 واديتهم الجواب فى الاستقبال … ادونى استمارة املاها ….مليت الاستمارة واديتهالهم وقالولى اتفضلوا .. وخمس دقايق وننده عليكم …. وفعلا قعدنا وشوية حوالى 10 دقايق كدة وندهوا علينا … رحنا وخدوا مننا التحاليل بتاعتى وبتاعة جوزى وتقرير المنظار اللى كنت عملاه (( منظار بطن ومنظار رحم ) كنت عملاه من اسبوعين …المهم حطوا الحاجة فى الفايل بتاعى … وقالولى انزلى الحسابات اقطعى كشف كان ب 120 جنية … نزلت قطعت وطلعت وقاولى اقعدى لما ييجى دورك هننده عليكى … المهم قعدت حوالى نص ساعة وبعد كدة دخلت للدكتورة رجاء … هى ماشاء الله عليها عسولة وشكلها طيبة .. انا شخصيا ارتحتلها … وكشفت عليا كشف نسا … المهم بقة الفايل بتاعى كان عندها وكتبت فيه كل نتايج التحاليل انا اصلا كنت عاملة تحاليل هرمونات فمطلبتش منى انى اعلمهم تانى لانى كنت لسه عملاهم اصلا المهم قالتلى انتى دلوقتى هتخرجى هتقبلى الدكتور نهى وهى هتفهمك ايه خطة العلاج وايه المطلوب منك …. المهم خرجنا من عندها وقعدنا شوية ودخلنا للدكتورة نهى .. كانت دكتورة عسولة قوى …. المهم فهمتنا الحقن دة بيبقي عبارة عن ايه وقالتلى اجى فى اليوم ال 20 من الدورة الجاية …هعمل سونار وابدأ الحقن اللى تحت الجلد ان شا ءالله وكتبتلنا على تحليل دم انا وزوجى نعمله لما نخرج من عندها وفعلا نزلنا الحسابات دفعنا تمن التحليل هو كان ب 230 والراجل فى الحسابات قلنا علي تكاليف العملية ::
تكاليف العملية بس 5000 وبالادوية والتحاليل والحجات دى ممكن توصل ل 8000 او 9000 حسب الاستجابة للعلاج
وطلعنا المعمل خدوا مننا عينة الدم والحمد لله روحنا بعد ما خدنا اول خطوة ولله الحمد وربنا يارب يكملها على خير
المهم ان المكان مكنش زحمة قوى زى ما الناس عمالة تقول والناس محترمين جدا جدا ومنظمين والمكان نظيف …
والله انا كنت خايفة جدا قبل ماروح من كلام الناس …. بس الحمد لله انى لقيت عكس كدة
المهم ادعولى بقي ان ربنا يكملها لى على خير ويرزقنى بالذرية الصالحة
ولو اى حد من اخواتى اللى هنا عايز يسأل فى حاجة انا تحت امركم
moon life moon life 353495_2.gif فتكات رائعة Fatakat 353495 cairo – egypt