بسم الله الرحمن الرحيم
السلام عليكم
ازيكو يا فتاتيك
الحمد لله جوزي رجع بالسلامه كان مسافر امريكا لموتمر ورجاع نفسو ياكل اكه حلوه
اختكو ام كيمو بقا بدعت تعالو اوريكو عملت ايه
عملت محشي ورق عنب وبتنجان
ملوخيه وحمام محشي رز بالكبد والقوانص وفراخ محمره
اعزروني لاني كنت بصور بسرعه لاني كنت متاخره
هنا لوازم المحشي
خضره وبصل ومعلقه توم وطماطم وورق العنب والبتنجان والفلفل
حطينا الطماطم تتسبك ونزلنا عليها بالخضره المغسوله والرز
هنا ورق العنب بعد ما فك انا مخزناه
هنا الفراخ والحمام اتغسلو واتبلو ببصل مبشور وملح وفلفل
هنا حشينا الحمام بالرز مع الكبد والقوانص وطرقته
هنصفر بصله وننزل عليها بالكبد والقوانص بتاعت الحمام
بعد ما نقطعهم ولما لونهم يغير ننزل بالرز ونحط نص مقدار المايه
لاننا عايزينه نص سوي
ولما يتشرب المايه نملحه ونحشي الحمام
هنسلق الحمام في مايه مغليه بحبهان وبصل وانا مبخيطش
الحمام انا بحشيه وانزله في المايه وهي بتغلي
وهو بيقفل لوحده زي الممبار
هنا الملوخيه خرطناها وحطينا في الشوربه وسبناها تغلي
وحمرنا معلقه توم مع معلقه كسبره ناشفه في معلقه سمنه وطشناها علي الملوخيه
هنا حشينا الحمام بالرز
هنا سلقنا الحمام وزي ما هو والرز مخرجش منه
هنا حشينا البتنجان والفلفل
هنا حشينا ورق العنب
هنحطهم علي النار ونزيدهم بالشوربه المحشي البتنجان بياخد شوربه تلت تربع
الحله منملهاش علي الاخر يعني البتنجان يكون باين من الشوربه
والورق العنب نزيدوه بعد الرصه بنص عقله صباع عشان يبقي مفلفل
هنا ورق العنب معاه الحمام بعد ما استوي والحمام اتحمر
ومعاهم كمان طبق ملوخيه خضره
انا خلصت الحمد لله
لو الاكل عجبكو قيمو متنسوش
وادعولي بالزريه الصالحه
في امان الله
سلام يا حلوين
مواضيع هذا القسم برعاية
ام كيمو الامور ام كيمو الامور 466693_2.gif فتكات ست الكل Fatakat 466693 حلوان – مصر