خير الكلام اللى بيبدء بالسلام
السلام عليكم ورحمة الله وبركاته
والصلاة والسلام على سيدنا محمد عليه افضل الصلاه والسلام
اولا كدة ده اول موضوع ليه فى القسم الجميل ده .. بصراحه اتعلمت من هنا حاجات جميله وكتيرة اوى وقلت اشاركم معايا فى طريقتى للكبده المشويه مع انى كنت فااااااااااااااشله فيها بس بشويه حبشتكنات كنا هناكل صوابعنا وراها امبارح انا وزوجى وطليها منى تانى النهارده
يله نبدء بسم الله
فى الاول هنجيب الكبده ونغسلها ونسيبها تصفي ميتها
المقادير :-
بصله كبيرة – اربع فصوص ثوم – فلفله رومي – فلفل حامى – انا بستخدم ايدي مقدار كدة انا اللى بحسه من البهارات بس ع اعتبار انها مثلا نص معلقه من كل من ( جنزبيل – ببريكا – كارى – كركم – زعتر الزعتر تقريبا بحطة ف كل اكلى بحبه جدا – ملح وفلفل اسود – شطة – وان حابة تضيفي انتى بهارات من عندك ماشي كل ده ف الخلاط مع بعض وكمان هتحطى شويه زيت زيتون وشويه خل وانزلى فيهم ضرب انا يحلفوا انهم حرمو ويكون شكلهم كدة ونكون مجهزين فحمه مولعه ع عين صغيره لحد ما نخلص
وبعدين نضيف الكبده على الخليط ونقلبهم كويس جدا مع بعض عشان الكبده تتشبع من الخلطة وع فكرة الخلطة دى بتدى طعم نفاذ وجميل للكبده وفى وقت قصير كمان يعنى ساعه واحد ف التلاجة مش محتاجة تقعد كتير
[COLOR="rgb(153, 50, 204)"]خلاص كدة عدت الساعه ابتدينا بقي فى شوي الكبده [/color]
[COLOR="rgb(153, 50, 204)"]بعد ما الكبده تاخد اللون الاحمر وخلاص اتشوت نيجي حاطين الفحمة المولعه ونحط عليها معلقه زيت وهووووووووب نغطيها هتشمى ريحتها وانتى واقفه هتدوخى [/color]
وده شكلها النهائي
قدمتها مع سلطة بطاطس وسلطة خضرا واخدتلكم كام صوره كدة فى المطبخ عشان جوزى كان عامل يقلى جعااااااااااااااااااااااااااااااااااان انتى كل ده بتعملى ايه مش يعرف اللى فيها
هسيبكم مع الصور والتقييم اختيارى ع فكرة بس عاوزة دعوة حلوة منكم ربنا يرزقنى ويرزق كل مشتاقه بالذريه الصالحه فى رعاية الله
انتوا صدقتوا ولا ايه التقييم اجباري يله شجعونى ده اول موضوع ليه مواضيع هذا القسم برعاية
mayar sonbaty mayar sonbaty 696190_5.gif سوبر فتكات Fatakat 696190 قاهرة – مصر