السلام عليكم
النهارده هاقولكم طريقه صنيه المكرونه باللحمه المفرومه والصلصه
هى سهله اوى واهو الواحد يغير شويه
المقادير نصف كيلو طماطم
3 معالق صلصه
3 فصوص ثوم
نصف كيلو مكرونه قلم
ربع كيلو لحمه مفرومه ومتعصجه
الطريقه
اول حاجه هانعصج اللحمه المفرومه بالبصل ونحط صلصه عليها
وبعدين نسلق المكرونه عادى في ميه مغليه ونحط ملح وزيت عشان ماتمسكش في بعضها
وبعد ماتغلى نصفيها
نجيب الطماطم ونعصرها في الخلاص
ونجيب حله نحط فيها الثوم المدقوق في شويه زيت
واما يصفر الثوم نحط عصير الطماطم علي الثوم
لغايه قرب ماتتسبك نحط الصلصه بتاعتنا وملح وقرفه وفلفل اسود وكمون
( ماتسبكيش الطماطم اوى عشان لسه هاندخلها الفرن )
ونجيب الصنيه بتاعتنا او الطاجن
ونحط المكرونه المسلوقه وعليها التسبيكه بتاعتنا ونحط اللحمه المفرومه
ونقلب كله مع بعضه
وعلي الوش نحط شويه من التسبيكه بتاعتنا
وندخل الصنيه الفرن حوالى تلت ساعه او نصف ساعه
علي حسب درجه حراره الفرن
وبالهناء والشفاء
اسبكم مع الصور
مواضيع هذا القسم برعاية
أم رانسي إن شاء الله أم رانسي إن شاء الله سوبر فتكات Fatakat 455823 ام الدنيا – ام الدنيا