ازيكم يافتوكاتى عاملين ايه
وحشتونى كتير النهاردة طبخت لجوزى حبيبى صينية مكرونة بالباشميل تعالى هقولك على طريقتها خطوة خطوة
اولا هتجيبى كيسين مكرونة افلام وتحطيها فى ماية بتغلى وملح ونقطة زيت وتسيبها لحد ما تتسلق
وبعدين تجيبى اللحمة وتعصجيها هتحطى بصلتين يحمروا تنزلى باللحمة وتقلبى كويس وبعدين تحطى بهارات لحمة وقرفة وجنزبيل وجوزة الطيب وفلفل اسود ومش تحطى الملح الا فى الاخر
الباشميل هقولك على طريقة سهله عشان مش يكلكع منك اغلى اللبن وهاتى كوباية برا حطى فيها 4 معالق دقيق وماية واقبلى كويس
وبعدين ضيفيهم لبن وقلبى باللويسك كويس قوى عشان مش يعجن منك وحطيهم على النار يغلى وبعد كداضيفى الملح والفلفل الاسود و البيضة وهيبقى روعه معاكى
هتيجى تجيبى طماطم وتسبكيها عشان تحطيها على المكرونة
خلصتى خلاص اغسلى المكرونة كويس وبعدين حطيها فى حله كبيرة وحطى عليها التسبيكة وشوية باشميل واقلبى كويس
هتجيبى الصينية بتاعتك وتدهينيها بالباشميل
وبعدين تحطى نص مقدار المكرونة بتاعتك
وبعدين تحطى عليها اللحمة المتعصجة وتفرديها
تحطى نص مقدار المكرونة التانى
تحطى طبقة الباشميل فى الاخر وتوزعيها كويس جدا ممكن تمسكى اصينية وتحركيها بايدك عشان كل حاجه تتظبط فى مكانها
اخر حاجه ودى كل واحد حسب رغبته انا ببشر على الوش جبنه سيدر او موتزريلا بتعطيها طعم جنان وبتتحمر كدا وتقرمش
ودى بصورتها النهائية يارب تعجبكوا
ياريت تدعولى بالحمل الثابت عاجلا ليس اجلا لو عجبتكوا
ولو مش عجبتكوا مممممممممممممممم هعضكوا نفر نفر ههههههههههه مواضيع هذا القسم برعاية
ag_romeo ag_romeo 395985_2.gif فتكات رائعة Fatakat 395985 بورسعيد – مصر