السلام عليكم يا فتوكاتي
النهاردة عشنا إن شاء الله معجنات فأنا قلت أوريكم عمايل ايدي وأشوف رأيكم
طبعا استخدمت عجنتي المفضلة و الناجحه جداً عجينة العشر دقائق وهتلاقوها بالتفصيل في اللينك دة
https://fatakat.univanet.com/#93729
واستخدمت في الحشوه زعتر بزيت الزيتون ولحمة معصجه وجبنة خلطت معها زيتون اسود وفلفل أخضر وخلطة البيتزا بتاعتي بقه إييييه هية ؟؟
بصلة أشوحها في زيت زيتون وبعدين أضيف عليها الفلفل الأخضر وبعدين لما يدبلوا أضيف طماطم شرايح واتبل بملح وفلفل وزعتر أخضر وبس كدة أسبهم شوية لحد ما يمتزجوا وبعدين أضيف لحمه مفرومة معصجه والزيتون الاسود والمشروم وأنزلهم من على النار وأقعد أكل منها كل شوية بالمعلقه من طعامتها
ديه المكونات إلي هستخدمها
والسمسم طبعاً حمصته على النار كدة علشان ياخد لون
نيجي بقى للجبنة إلي هاحطها على وش البيتزا أنا بحب أعمل خليط جبنه رومي وجبنه فلامنك وجبنه اسمها بيتزارللا ديه أحلى مليون مرة من الموتزاريلا وهتلاقوها في كارفور ودول شكلهم من قريب
ديه العجينة بعد ما خمرت
نيجي للتشكيل بقه
دول عملتهم ميني بيتزا
دول عملتهم كرواسون
ديه عملتها رول بالزعتر
دة شكلها بعد ما لفتها
ديه لفتها زي الحلزونه
ديه الصينية بعد التشكيل
كدة بعد الخبز
إيه رأيكم بقي ؟؟
أنفع ولا ؟؟؟
في إنتظار أرائكم وتقيمكم مواضيع هذا القسم برعاية
الزوجة الصالحه الزوجة الصالحه 12016_1.gif فتكات ست الكل Fatakat 12016 مدينة نصر – القاهره