السلام عليكم ورحمة الله وبركاته
ازيكم يا فتوكات انهارده اكلتنا عملتها انا واختي شيكولاتايه بيضا
اولا هنبتدي بالفراخ طبعا نغسلها كويس ونجيب صنية ونقطع فيها بصلة
ونحط حتة زبدة ونقطع فلفل اخضر ونحمرهم شوية وبعدين نحط الفراخ
ونحط عليها ملح وفلفل اسود وحبة زعتر صغيرين وشوية شطة لو عايزة
وتسبيها لحد ماتستوي خاالص وتتحمر وتاخد لون وده هيبقى شكلها
وهى على النار
نيجي بقى للبطاطس
هنسلقها الاول نقول حاجة مهمة اوي
ازاى تعرفي انها استوت كويس هتغرزي الشوكة فيها
لو لقتيها بتدخل وتخرج في البطاطس بكل سهولة كده تبقى استوت تمام
ماشي بعد ماتستوي هنقشرها ونهرسها بالشوكة كويس ونحط عليها
ملح وفلفل اسود وشطة لو عايزة برضو وتعمليها كور وتبططيها
وتحطيها في بيض ( طبعا البيض فيه ملح وفلفل اسود) وبعدين من البيض تحطيها في البقسماط
وبعدين ترسيهم في صنية فيها شوية زيت وتحطيها في الفرن تمام كده
شوية وتطلعي الصنية وتقلبي البطاطس على الناحية التانية عشان تتحمر
وهتبقى بالشكل ده كده
نيجي بقى للسلطة دي سلطة فاصوليا حمرا وسلطة خضرا عادية
الفاصوليا الحمرا بقى دي بتتعمل ازاى هقولك
الاول هننقع الفاصوليا في مية يعني حوالى ساعة كده
وبعدين نسلقها في مية مغليه وبعدين نصفيها
ونشطفها نيجي بقى للتوابل بتاعتها فصين توم وحبة زيت زيتون ولمون وملح وشطة وفلفل اسود وبالهنا والشفا ليكوا يا فتوكاااااات
مواضيع هذا القسم برعاية
مزة المزاميز مزة المزاميز 212399_4.gif فتكات رائعة Fatakat 212399 بيتنا – مصر