ازيكم يا فتاتيك
طبعا بعد ما زهقت من الريجيمات وكمان كل شويه اشترك في جروب هنا
في المنتدي وملتزمش فيه وقول للبنات اللي كنت معاهم ياريت محدش
يزعل مني لاني بجد كنت في ظروف وحشه ومكنتش عاوزه اعمل اي حاجه
وتقريبا مكنتش باكل وعلي فكره عدم الاكل مش بيخسس بالعكس دا بيزود
اكتر المفروض اننا ناكل كميات صغيره وكذا مره في اليوم وطبعا بعد ما
الاكتئاب وصل للحد الاقصي قولت
خلاص لازم اروح للدكتور جديد لاني كنت متابعه مع دكتور تاني من قبل اما
اتجوز بس المشكله اني خلاص معدتش منتظمة معاه وكمان مواعيده بقت
صعبه بالنسبه ليا
المهم اخدت القرار ورحت لدكتور تاني كان في ناس زمايلي بيروحوا عنده
وجايبين نتيجه حلوه طلعت من الشغل ورحت ودخلت عنده لاقيت ناس كتير
بس كلهم جايين يعملوا جلسات علاج طبيعي
اما دخلت عنده سألني علي اسمي وسني ومتجوزه ولا لا ومن اد ايه
وعندي ولاد ولا لأ وبعدين طلعت علي الميزان لاقيت نفسي كام بقي تخيلوا 119
يعني انا زدت عن اخر مره 3 كيلو
اداني ريجيم امشي عليه وكميه اعشاب كبيره لانه قالي ان الحرق عندي
قليل اوي عشان كده بزيد مع اني بشتغل وبخرج كل يوم
بس وهي دي قصه حياتي اللي تحب تمشي معايا علي الدايت ياريت
عشان نشجع بعض وبجد بقي لاني زهقت وكمان الدكتور مديني 12 يوم في
الريجيم وقالي بالنظام اللي هو عمله ليا المفروض اني اخس 8 كيلو
ها مين معايا بقي؟
rakya rakya 302355_2.gif فتكات هايلة Fatakat 302355 damitta – egypt
