السلام عليكم ورحمة الله وبركاته
ازيكم يا فتوكات
جايبلكم النهارده طريقة عمل باذنجان تجنن
اصل الطريقه دي يوناني
بس بتفتح النفس اوي ومغذيه
:sFun_banana unripe:
وسههههههههههله جدا
هذه المقادير كافيه لطبقين متوسطين
المقادير/
ثمرة باذنجان كبيره
2 فلفله خضرا
4طمطمايات
4ملاعق جبنه رومي او بيضا وياسلام لو كانت موتزريلا
بيضتان
فلفل
ملح
زيت
كدا المقادير تمام ندخل على الطريقه
الطريقه/
1- نقطع البرنجان مربعات صغيره وبعدين نسخن الزيت في المقلي ونحط البرنجان ونهدي النار عالاخر ونقلب كل 5 دقايق
لاحد مالبرنجان يستوى كويس اوي
يعني يبقى كله طري بيتهرس
2-نقطع الفلافله قطع صغيره ونضيفها فوق البرنجان ونسيبها تستوى شويه مع التقليب المستمر وبرده النار هاديه
3-نقطع الطماطم قطع صغيره جدا ونضيفها فوق البرنجان والفلافله
ونقلب كويس كل شويه لاحد متبقى الطماطم لونها برتقاني وبرده النار هاديه
4-نرش شوية فلفل ولو هنعمل بجبنه موتزريلا يبقى نرش شوية ملح علشان الموتزريلا ملحها قليل فمتحدقش لوحدها
اما لو جبنه رومي او بيضا قديمه فمفيش داعي للملح لان فيهم ملح كفايه للتحديق وبرده النار هاديه
5- نبشر الجبنه لوكانت رومي او نهرسها لو كانت بيضا ولو موتزريلا فهيا مبشوره جاهزه
ونحطها فوق البرنجان ونقلب دقيقتين
وبرده النار هاديه
6-نخفق البيضتان ونحطهم فوق البرنجان ونقلب كويس اوي لمدة 4دقايق بأكد ان النار هاديه محدش يعلي النار ويقولي دي اتحرقت
ههههههههه
وبس اطفي النار بقى وقدميها سخنه
وبالهنا والعافيه
ياجماعه اللي يعجبه الوصفه ياريت يرد ومتنسوش التقييم
محدش يشوفها ويجري ههههههههه
يارب الطريقه تكون سهله واكون مطولتش عليكم
ويارب تعجبكم وربنا يتقبل منا ومنكم صالح الاعمال::
والسلام عليكم ورحمة الله وبركاته
مواضيع هذا القسم برعاية
نؤنيأه نؤنيأه 555714_2.gif فتكات متميزة Fatakat 555714 الحياه – مصر