ازيكم يا اجمل فتاتيك وحشتوني جدا آدي تاني وصفة ليا في فتكات واتمنى تقيموني التقيم اللي استاهلو
ممتاز طبعا يعني
هههههههههههههههههههههههههههههه
بهزر معاكو بس قيموني بئا عشان مزعلش منكو
وموضوعي الأول كان
أجمد وصفة كشري مصري… من "قطة مشتاقة .. ام خالد"
واحب اطمنكم كلكم الحمدلله جالي موبايل جديد بدل اللي غرق مني في طبق الحمص الشامي
واحلى منه كمان الحمدلله ربنا يخليلي زوجي ويباركلي فيه
واللي تستاهل ممتاز اكتر مني العضوة العثولة Just Smile ودا لينك موضوعها اللي بطبقوا
||♥ من مطبخ Just Smile آحلى نجرسكو بطعم يجنن ويشرفك فى العزومات على سفرتكـ ♥||
وبجد طلع معايا تووووحفة انا عملت زيها بالظبط الا تكة واحدة ههههههه لازم احط التاتش بتاعتي طبعا
خلينا نروح للصور بئا وكفاية الرغي دا
سامحيني يا فتوكتي الحلوة
Just Smile
هنقل منك كل المقادير بئا عشان انا مغيرتش فيهم حاجة
المكونات
. صدرين فراخ مقطعين صغير
. بصلة متوسطة مفرومة
. فلفل اخضر مقطع صغير
. طماطم مقطعه صغير
. شوية صغيرة كاتشب ( كيس صغير )
بهارات ( فلفل اسود . ملح .بابريكا . رشة صغيرة توم بودرة . بهارات للفراخ )
لو معندكيش توم بودرة استبدليه بفص توم صغير مفروم ناعم
والمكرونة عملت حوالي 650 جرام
والبشاميل انا بحب الجاهز وبردو لازم احط عليه التاتش بتاعتي (مكعب مرقة دجاج + ملعقة قشدة او مكعب كيري)طبعا دا غير الملح والفلفل الاسمر.
بيخلي البشاميل زي القشطة وريحته تهبللللللللل
نيجي بئا للطريقة
الفراخ الصدور مقطعة قطعة صغنتتة
وهنا بعد ماتبلناها
طماطماية وفلفلة خضرا
البصل وهوا بيدبل عالنار
المكرونة بعد ما اتسلقت
وحطيت الفلفل يدبل
وبعدو الطماطم
وبعدين هنا التكة بتاعتي انا بعشق الجبنة الروومي في اي حاجة
جبت شرحتين جبنة رومي جديدة وقطعتهم قطع صغيرة خالص
وقلبتهم في المكرونة المسلوقة قبل ماحط عليها البشاميل
وطلعت بئا سايحة وبتشد وااااااو جامدة جدا
هكمل في المشاركة الجاية يا حبيباتي
بس بالله متنسووووووووووش التقيييم ثم التقيييييم
مواضيع هذا القسم برعاية
قطة مشتاقة قطة مشتاقة 619050_5.gif فتكات رائعة Fatakat 619050 قلب تائب – مصر