بسم الله الرحمن الرحيم
ازيكم يا فتوكاتي الاعزاء
جايبالكم صينية رقاق روعة بجد احلي مليون مرة من الرقاق الجاهز
الاول عايزة اشكر الداعية ربها علي وصفتها السهلة والروعة في طريقة عمل الرقاق الناشف ربنا يجازيها عنا كل خير
ندخل بقي في المهم
بسم الله
المقادير سهلة اوي عبارة عن دقيق وملح وميا دافية ونعجنهم لحد ماتبقي عجينة ناعمة ومش بتمسك في الايد
وسيبتها ترتاح حوالي ساعة عشان تتفرد كويس
وبعدين قطعتها كور صغيرة
وبعدين رشيت حبة دقيق علي الرخامة
وبدات افرد الكور علي الدقيق
وفردتها بالنشابة
وسخنت طاسة تيفال وحطيت فيها الرقاق وهديت النار شوية
وهنا لما قلبتها
وبدات تتنفخ
وطلعتها علي فوطة نضيفة ونكرر نفس الخطوات في الكور الباقية وادي الكمية بتاعتي
نيجي بقي لتجهيز صينية الرقاق
نغلي الشوربة كويس اوي وكل ماتبرد نسخنها
ونجهز سمن ونسخنه
ونجهز الصينيه بتاعتنا ونحط فيها حبة سمن
ونحط الرقاق في الشوربة السخنة واحدة واحدة لحد ماتبقي طرية
ونرصها في الصينية ونرش عليها حبة سمن
ونكرر الخطوات دي لحد مانوصل لنص الكمية وبين كل راق والتاني نحط حبة سمن ونحط اللحمة المفرومة
ونكمل باقي الرقاق
وعلي اخر راق نحط حبة سمن وهنا بعد ماخلصت الكمية كلها
وندخلها الفرن شوية وبعدين نفتح الشواية عشان وش الصينية
وهنا بعد ماخرجتها
وهنا بعد التقطيع
اتمني يارب يكون عجبكم وياريت ماتنسونيش بدعوة حلوة ولو شايفين الموضوع يستاهل ياريت تقيمو
اسيبكم في رعاية الله يا احلي فتوكات
مواضيع هذا القسم برعاية
dr nemo dr nemo 884797_1.gif سوبر فتكات Fatakat 884797 قلب زوجي – مملكتي الصغيرة