انا النهارده هوريكو تطبيقى للفراخ المقرمشه من مطبخى
وكانت رااااااااائعه طعمها ما يفرقش عن كنتاكى وكوكى شىء
المقادير
فرخه مقطعه 8 اجزاء او دبابيس انا عملتها بدبابيس فراخ
كوب دقيق ذره
بيض
دقيق ابيض
زيت للتحمير
التوابل عباره عن
ملح -فلفل – بهارات – ثوم – سماق – زعتر – 3 ملاعق زيت –
حوالى كوب من ماء البصل يعنى نعصر البصل وناخد ميته بس
الطريقه
اول شىء نشيل الجلد من على الفراخ
وبعد كده نضرب كل التوابل مع بعضها وننقع الفراخ فيها مش اقل من
8 ساعات
وبعد التتبيل نكون مجهزين البيض والدقيق ودقيق الذره
ونحط الفراخ فى الدقيق الاول وبعد كده البيض واخر حاجه دقيق الذره
وانا بأكد دقيق الذره علشان تطلع مقرمشه
ولو معندكيش دقيق ذره ممكن دقيق سميولينا هيديكى نفس النتيجه
والكورن فليكس يا جماعه بيكون احسن واحسن من دقيق الذره
بتكون نتيجته مبهره
وده شكلها بعد ما تحمرت
شوفو القرمشه من قريب
يارب تعجبكو وانا اسفه لضعف الصور العيب من الموبايل
والف هنا
وماننساش التقييم لو عجبتكو مواضيع هذا القسم برعاية
عاشقه المطبخ عاشقه المطبخ فتكات ست الكل Fatakat 103396 القاهره – مصر