السلام عليكم ورحمة الله وبركاتة
فتوكاتى الاعزاء انا شاهدت
حلقة الشيف نبيل بتاعة البيتزا وعجبتنى
وحبييت اوريكم تطبيقى للبيتزا
على فكرة انا اول مرة اعمل موضوع فى قسم الطبيخ
وعايزة تشجيع منكم ياريت مش تكسفونى وتردوا عليا
ودى المقادير يا فتوكات:
1-كيلو دقيق
2- 2 وربع كوب ماء
3-معلقة خميرة كبيرة
4- معلقة كبيرة ملح
5-معلقة سكر كبيرة
6- 4ملاعق زيت زيتون
مقادير الصلصة:
(بصل -ثوم-طماطم-زعتر-ريحان-روزمارى-ملح -صلصة -زيت زيتون-سكر)
الطريقة :
1-هجيب طبقين كبار استيلس
الطبق الاول هحط فيه
نصف كيلو ماء (2 وربع كوب )
وكوب دقيق من الكيلو
ومعلقة السكر ومعلقة الملح ومعلقة الخميرة
واضربهم مع بعض بالمضرب السلك اليدوى
والطبق التانى هحط فيه
باقى كيلو الدقيق اللى ان شلت منه كوباية
و4 ملاعق زيت زيتون واحط شوية من المقدار اللى فى الطبق الاول
وابدا اعجن بايدى
وبعدين انزلباقى المقدار اللى فى الطبق الاول
واعجن جامد لحد لما العجينة تلم
وافردها على الرخام لحد لما لونها يبقى ابيض
واعملها كورة واحطها فى صنية وعليها شوية زيت
واغطيها بقماشة او فوطة
واسيبها فى مكان دافئ لمدة ساعة تخمر
وبعدين ادهن الصنية شوية زيت واحط فيها العجينة بعد ما تخمر
واحط عليها الصلصة
والطماطم والفلفل والزيتون والجبنة الموزاريلا واى حاجة حسب الرغبة
واكون مسخنة الفرن قبلها بشوية
وادخلها وبالف هنا وشفا
طريقة الصلصة:
اجيب صنية واحط فيها الطماطم المتقطعة اربع تربع
واحط البصل المتقطع اربع تربع والثوم
واحط الزعتر والريحان والروز مارى
ومعلقة صلصة جاهزة
و2 ملعقة زيت زيتون وشوية سكر وشوية ملح وشوية ماء صغيرين
وادخلهم الفرن 15 دقيقة
ولما اطلعهم اخلطهم فى الكبة
وبس كده دى الطريقة يارب تعجبكم
ملحوظة مقادير العجينة دى لكيلودقيق
انا عملتها بنص كيلو دقيق
يعنى هنقسم المقادير
ولو حبيين تشفوها عملى ادخلوا على اليو تيوب
واكتيوا طريقة عمل البيتزا للشيف نبيل الشرقاوى
هتلاقوها على 3 اجزاء
اسيبكم مع الصور
ودى صورة تانية قبل ماتدخل الفرن
ود صورة البيتزا بعد ماطلعت من الفرن
وده طبق لاول فتوكة هترد
مواضيع هذا القسم برعاية
anoga anoga 11399_3.gif فتكات رائعة Fatakat 11399 الزقازيق – مصر
سبحان الله و بحمده