طبعا مين فينا مبيحبش اكل برى بالذات الاطفال
وموضوعي النهاردة واضح من العنوان
هتكلو احل اكل والله احلى من مؤمن وكنتاكي ودي بشهادة جوزي
الي صعب انو يشكر في اكلة بسهولة
هههههههههههه
وده معناتو اني هزيت معدتو بأكلي
واخيرا نطق
اصل بصراحة خدتها تحدي لان زوجي العزيز بيعشق اكل برى
وانا بصراحة بدأت اغير لما اقلاقيه يقول الاكل بتاع المطعم الفلان روعة
ويعد يشكر فيه لحد لما ببقى عايزة اروح اولع في المطعم والي عملو
بس قلت وليه احرق في دمي
طيب مأعملو الاكل ده واحلى منو وانا الحمد الله ربنا مديني حاسة الذوق الجبارة قولو ماشاء الله
فبعرف مكونات الاكلة من اول تذوق ليا ليها
فقلت هفجأو واعملو ميزو ههههههههه قصدي ريزو بتاع كنتاكي الي بيحلم بيه كل يوم
واعملو جمبيه تشيكن رول بتاع مؤمن عشان أكمل عليه
قصدي املي عنيه
والله عملتو بقى كل يوم يطلبو مني من طعمتو وعايز ياخد معاه لشغله يعني جيه عليا بخسارة
بس كفاية اعتزازي بنفسي ونفسي في الاكل
وانتو بقى ياشطار امسكو ورقة وقلم
وانقلو بالتفصيل الممل عشان تدقو احل اكل
هدخل في الموضوع عشان انا رغيييييييييت كتير
نبتدي بسم الله
المقادير :
فراخ بانيه عدد 6 قطع (حسب الرغبة)
زعتر + ملح + فلفل اسود
بودرة بصل (حسب الرغبة)
ثوم مفروم (مهم جدا)
دقيق + لبن مع بيض + بقسماط
جبنة شيدر مدخنة (خلي الراجل يدهالك من غير ميقطعها)
جبنة موزيرلا (حسب الرغبة)
لانشون فراخ مدخن (او حسب الرغبة)
تمسكي قطعة الفراخ البانية وعليها من فوق كيس بلاستك عشان لما تدقيها متتقطعش منك
وقبل مدقيها لو تخينة فتحيها واكيد انتو عارفين ازاي تتفتح
وبعدين تقومي جايبة الفراخ وشة فلفل اسود مع ملح مع زعتر وادهني بيها من فوق ومن تحت
وبعدين تقطعي الانشون ثلاث بالشكل ده
والجبنة الشيدر كمان كده وحاول لو الفراخ البانيه مش عيضة متقطعهاش تخينة عشان تعرفي تلفيها
وبعدين تحطيها بالمنظر ده وتلفي الفراخ وده مهم جدا بالطول مش العرض عشان تقى مطولة معاكي
وهتبقى بالمنظر ده
وعلى طول حطيها في الفريزير ربع ساعة عشان تبقى نص متجمدة
ومتفتحش منك
وبعدين تجبيها الاول تحطيها في الدقيق وبعدين اللبن والبيض وبعدين البقسماط
وحاولي وانتي بتحطيها في البقسماط تتكي عليها شوية عشان تقفل اكتر
وبعدين هتحمريها في زيت غزير ومغلي جدا وحطيها براحة واول لما تحطيها تخلي النار مش حامية متوسطة عشان تستوي من بة ومن جوة
بصي انا اقطعتها ازاي بقت عاملة ازاي من جوة وكفاية الطعم
طبعا ارجوكم برتجاكم يأما
انتو حروووووووين
لو مقيمتوش
عشان والله بقالي اربع ايام بحاول انزل في الصور من ال usb وللاسف كل مااكتب المووع وارفعه اقلاقيها تفصل
وكمان عايزة تشجيع جامد عشان انزلكم في المشاركة الجاية ريزو (كنتاكي)
وشكل الاكل كلو مع بعض
بحبكم ومنتظرى تشجيعكم
مواضيع هذا القسم برعاية
godee2030 godee2030 130978_9.gif ملكة فتكات Fatakat 130978 في القاهرة – عايشة في تجارتي وده رقم تليفوني 01126351220