السلام عليكم ازيكم ياحلوين يافتاتيك ياقمرات وطبعا نقول يامزز طالما بنتكلم عن اكل دايت ولا ايه
انا بقى حبيت اننا منتحرمش من اى اكل وطبعا التشيز كيك معروفه انها لا تصلح مع الدايت ابدا ابدا ابدا
عشان كده قلت ايه المشكله لما نغير شويه فى المقادير ونقلبها دايت
المقادير
علبتين بسكويت دايجستيف طبعا دايت
معلقه زبده صغيره خالص
علبه جبنه نستو لايت وطبعا موجوده
كريمه قليله دسم 250جم
باكو جيلى او حته جيلاتين مدوبه فى ميه سخنه
فراوله
سكر فاكهه
الطريقه
نطحن البسكوت وعليه معلقه الزبده فى الكبه كويس
نفرده فى صينيه من اللى بتتفتح من الجناب ونسويه كويس
ندخله الفرن يتماسك عشر دقايق بس
نحضر الطبقه اللى فوق باننا نخلط الجبن المثلثات مه الكريمه وعليها سكر فاكهه وننزل عليهم بالجيلى المذاب فو شويه ميه او الجيلاتين حسب المتوفر
نخلط كويس وبعدين نفرد الطبقه دى على طبقه البسكوت لما تبرد طبعا ونسويها كويس
ونحطها فى الثلاجه ليله كامله عشان تمسك وتجمد
نحضر بقى صوص الفراوله باننا نقطع الفراوله ونحط عليها سكر فاكهه خفيف وعالنار ونسيبها تاخد وتدى مع نفسها وتتقل كده وبعدين اطفى عليه واسيبها تبرد
اطلع صينيه التشيز كيك من التلاجه وافرد عليها صوص الفراوله واقطعها
زطبعا ناخد مثلث صغنون وكده يبقى مبوظناش الدايت ومحرمناش نفسنا
العصير المنعش بقى
نقشر 3 لمونات ونشل بزرهم
نحط الميه الساقعه فى الخلاط وعليها سكر الفاكهه طبعا ونخلط الاول الميه مع السكر لوحدهم عشان لو حخطينا اللمون الاول السكر مش هيدوب كويس
ننزل باللمون على الميه بالسكر ونخلط كويس وبعدين نحط عليه ورق نعناع ونضرب كويس
نصبه فى كوبايه ونزينه بورقه نعناع
وبالهنا والشفا (انا بعشق هذا العصير)
ارجوك التقييم والتشجيع ولا تنسونى من خالص دعائكم ياقمرات مواضيع هذا القسم برعاية
lovers4ever lovers4ever 202475_1.gif فتكات ست الكل Fatakat 202475 الزقازيق – مصر
