بعد ما اتجوزت بحوالى شهرين حماتى اديتنى كيس ورق عنب مجمد من عندها علشان أعمله ليا انا و جوزى
وجيت أحشيه لقيت حاجه كده وهم
ده انا فى بيت بابا كنت بكره عمايل ورق العنب جدا و بحس انه شغلاااااانه
و هى كانت قالتلى طلعيه من الفريزر قبل الحشو و لما يفك أحشيه
لقيت إيه الورق متقطف و مرصوص الكبير لوحده و الصغير لوحده و الأعناق فى كيس لوحدهاو الورق كإنه لسه مسلوق حالا مش مخرم و لا مهربد فقلت لألألألألألألألألألألأ أنا لازم أعرف السر
قالتلى إنها بتجيب ورق العنب و تغسله و تنزله فى مايه بتغلى و فيها شوية ملح يادوب يلون تقوم شيلاه و على المصفاه و تحط كلشويه فى طبق علشان يبرد بسرعه و بعد مايبرد تمسكه تقطف الأعناق و ترص الورق و بعد كده تحطه فى كيس و على الفريزر بيقعد معاها طول السنه
أنا جربت الطريقه دى و فعلا طلعت حلوه قوى و بتحسسنى ان عمايل المحشى سهله قوى
بس انا زودت على الطريقه دى انى بعد ما أشيل الورق من الميه المغليه أنزله فى مايه و تلج و فعلا بيطلع روعه و ماسك نفسه مواضيع هذا القسم برعاية
Lomba Lomba 557401_1.gif فتكات هايلة Fatakat 557401 القاهرة – مصر
سبحان الله و بحمده